ތޫފާނުގެ ސަބަބުން ފިލިޕީންސުން މަރުވި މީހުންގެ ޢަދަދު 130 އަށް އަރައިފިއެވެ. ފިލިޕީންސްގެ 800 ރަށެއް ވަނީ 10 ފޫޓަށް ފެންބޮޑުވެފައެވެ.
ކޮންމެ އަހަރަކުވެސް ގިނަ ތޫފާނުތައް އަންނަ ފިލިޕީންސްއަށް މިހާރު އަރާފައިވާ ތޫފާނަށް ދީފަިއވާ ނަމަކީ ޓްރާމީއެވެ.
މި ތޫފާނުގެ ސަބަބުން ފެންބޮޑުވެ ބިންގަނޑު ކަނޑައިގެންގޮސްފައިވާއިރު ފާއިތުވި ދެދުވަސްތެރޭ އެކަނިވެސް 87 މީހުން މީހުން މަރުވެ 41 މީހުން ގެއްލިފައިވާ ކަމަށް ބައެއް ރިޕޯޓުތައް ބުނެއެވެ.
ފަސް މިލިއަން މީހުން ހާލުގައި ޖެހޭނެކަމަށް ބެލެވޭ މި ތޫފާނަކީ މިއަހަރު އެޤައުމަށް އެރި އެންމެ ނުރައްކާތެރި ތޫފާނު ކަމަށް އެޤައުމުން ބުނެއެވެ. މި ތޫފާނުގެ ސަބަބުން ގެދޮރު ގެއްލި ހާލުގައި ޖެހިފައިވާ ބައި މިލިއަނެއްހާ މީހުން ވަނީ އެކި ސަރަހައްދުތަކުގައި ހަދާފައިވާ 6300 އަށްވުރެ ގިނަ ވަގުތީ ހިޔާތަކަށް ބަދަލުކޮށްފައި ކަމަށް އެޤައުމުގެ ސަރުކާރުން ބުނެއެވެ.
