ކަޝްމީރުގައި ދިން ޙަމަލާއެއްގައި އިންޑިއާގެ ދެ ސިފައިން މަރާލައި ހަތަރު މީހަކު ޒަޚަމް ކޮށްފިއެވެ.
ކަޝްމީރު މުސްލިމުންނަށް ވަރަށް ހަރުކަށި އިންޑިއާގެ ވެރިކަމުގައި ހިންގާ އެތަނުގައި ޙަމަލާ ދިނީ ޓެރަރިސްޓުން ކަމަށް އިންޑިއާއިން ބުނެއެވެ.
ނޫސް އެޖެންސީ އޭއެފްޕީ އިން ބުނާ ގޮތުގައި ބުރާސްފަތި ދުވަހުގެރޭ ދަންވަރު ޕާކިސްތާނާއި ބޯޑަރު ކައިރީގައި އޮންނަ ގުލްމާގް ސަރަހައްދުގައި އިންޑިއާ ސިފައިން ވަނީ ކަޝްމީރުގެ މިނިވަންކަމަށް މަސައްކަތްކުރާ ހިންދޫ ސަރުކާރުން ޤަބޫލުކުރާ ޓެރަރިސްޓުންނާއި ދެމެދު ބަޑީގެ ޙަމަލާތައް ބަދަލުކޮށްފައެވެ.
Advertisement
ފާހަގަކޮށްލަންޖެހޭ ކަމަކީ މީގެ ތިން ދުވަސް ކުރިން އިންޑިއާގެ ވެރިކަމުގައި ހިންގާ ކަޝްމީރުގައި ހަދަމުންދާ މުހިއްމު ޓަނަލެއްގެ މަސައްކަތުގައި އުޅުނު 7 މަސައްކަތްތެރިން ހަތިޔާރު އެޅި ބަޔަކު ބަޑިޖަހައި މަރާލާފައިވާކަމެވެ.
އެ ހަމަލާގައި ސިފައިންނާ އެކު މަސައްކަތް ކުރާ އިތުރު ދެމީހަކު ވެސް މަރުވެފައިވާ ކަމަށް އޭއެފްޕީ ބުނެއެވެ.
އިންޑިއާއިން ދާއިމީ ގޮތެއްގައި ކަޝްމީރުގައި ފަސް ލައްކައެއްހާ ސިފައިން ހަރަކާތްތެރިވެއެވެ.
ކަޝްމީރަށް ދިން ހަމަލާތަކުގައި ހަނގުރާމަވެރިންނަށް ޕާކިސްތާނުން އެހީތެރިވާ ކަމަށް ދިއްލީއިން އަބަދުވެސް ތުހުމަތު ކުރަމުން އައި ނަމަވެސް އިސްލާމްއާބާދުން ވަނީ ތުހުމަތުތައް ދޮގުކޮށްފަ އެވެ.
އިންޑިއާގެ ވެރިކަމުގައި އޮންނަ ކަޝްމީރުގެ ޗީފް މިނިސްޓަރު އުމަރު އަބްދުﷲ ވަނީ ފަހަކަށް އައިސް ދިން ހަމަލާތަކާ ގުޅިގެން 'ސީރިއަސް ކަންބޮޑުވުން' ފާޅުކުރައްވާފައެވެ.
