މެދުއިރުމަތީ އިސްލާމީ ބާރުތަކުން އީރާނާއި ގުޅުން ބަދަހިކޮށް ކުރިޔަށް ދާނެކަމަށް ބުނެފި

ސަރަޙައްދީ ޞުލްޙައާއި ސަލާމަތީ މަޝްވަރާތައް ކުރިއަށް ގެންދިއުމަށް އީރާނާއި، ސައުދީ، ޕާކިސްތާން އަދި ތުރުކީން އެއްބަސްވެއްޖެއެވެ.

އީރާނުގެ ވެރިރަށް ތެހެރާނުގައި ބޭއްވި މުހިންމު ސަލާމަތީ ބައްދަލުވުމަކަށްފަހު، އީރާނާއި، ޕާކިސްތާން، ތުރުކީ އަދި ސައުދީ ޢަރަބިއްޔާގެ މަތީ ފަންތީގެ ވަފުދުތަކުން ގުޅިގެން ވަނީ ނޫސްބަޔާނެއް ނެރެފައެވެ. އިއްޔެ ތެހެރާނުގެ ސާދްއާބާދު ގަނޑުވަރުގައި ބޭއްވި މި ބައްދަލުވުމުގައި ހަތަރު ޤައުމުގެ އިސްވެރިން ވަނީ ސަރަޙައްދީ ޞުލްޙައާއި ހަމަޖެހުން ޤާއިމުކުރުމަށްޓަކައި މި މަޝްވަރާތައް މެދުކަނޑާނުލައި ކުރިއަށް ގެންދިއުމަށް ރަސްމީކޮށް އެއްބަސްވެފައެވެ.

މި ތާރީޚީ ހަތަރު ފަރާތުގެ ބައްދަލުވުން ހޯސްޓްކުރެއްވީ އީރާނުގެ ސުޕްރީމް ނޭޝަނަލް ސެކިއުރިޓީ ކައުންސިލްގެ ސެކްރެޓަރީ ޖެނެރަލް މުޙްސިން ރެޒާއީއެވެ. ބައްދަލުވުމުގައި ސައުދީ ޢަރަބިއްޔާގެ ޑިފެންސް މިނިސްޓަރު ޕްރިންސް ޚާލިދު ބިން ސަލްމާންއާއި، ޕާކިސްތާނުގެ އަސްކަރީ ވެރިޔާ ފީލްޑް މާޝަލް އާސިމް މުނީރުގެ އިތުރުން ތުރުކީގެ އިންޓެލިޖެންސް ސަރވިސްގެ ވެރިޔާ އިބްރާހީމް ކަލިން ޢަމަލީގޮތުން ބައިވެރިވެވަޑައިގެންނެވިއެވެ.

ބައްދަލުވުމަށްފަހު ނެރުނު ގުޅިފައިވާ ބަޔާނުގައި ބުނެފައިވަނީ، މި ހަތަރު ޤައުމުގެ މެދުގައި އޮތް ގުޅުން އިތުރަށް ބަދަހިކުރުމަށާއި، ޚާއްޞަކޮށް މެދުއިރުމަތީގެ ސަލާމަތާއި ރައްކާތެރިކަން ކަށަވަރުކުރުމަށްޓަކައި އެކަކު އަނެކަކަށް އެއްބާރުލުންދީ، ކުރިއަށް އޮތް ތަނުގައިވެސް މިފަދަ ޑައިލޮގްތައް ބޭއްވުމަށް ބައިވެރިން އެއްގަލަކަށް އަރާފައިވާ ކަމަށެވެ.