އިޒްރޭލުން އީރާނަށް ޙަމަލާ ދީފިއެވެ. ރޭ ދަންވަރު ދިން މި ޙަމަލާގައި 100 ފައިޓަރ ޖެޓް ބޭނުންކޮށްގެން އީރާނުގެ އަސްކަރީ މަރުކަޒުތަކާއި މިސައިލް އުފައްދާ ކާރުޚާނާތަކަށް އަމާޒުކޮށްފައިވާ ކަމަށް އިޒްރޭލުން ބުނެއެވެ. މި ޙަމަލާގައި ސީރިއާއާއި ޢިރާޤަށް ވެސް އަމާޒުކޮށްފައި ވެއެވެ.

އެހެންނަމަވެސް، އީރާނުން ބުނެފައިވަނީ މި ހަމަލާ ނާކާމިޔާބުވި ކަމަށެވެ. އީރާނުގެ އެއަރ ޑިފެންސް ފޯސްއިން ބުނެފައިވަނީ އެ ޤައުމުގެ ވަށައިގެން ޤާއިމުކޮށްފައިވާ އެއަރ ޑިފެންސް ސިސްޓަމްތަކުން އިޒްރޭލުގެ ހަމަލާ ނާކާމިޔާބުކޮށްލި ކަމަށާއި، ލިބުނީ ކުޑަ ގެއްލުމެއް ކަމަށެވެ. އީރާނުން އިތުރަށް ބުނެފައިވަނީ 3 ސަރަހައްދެއްގައި ހުރި އަސްކަރީ މަރުކަޒުތަކަށް ހަމަލާ އަމާޒުވި ކަމަށާއި، އެތަންތަނަށް ލިބުނީ ކުޑަކުޑަ ގެއްލުމެއް ކަމަށެވެ.

އިސްރާއީލުން ނެރުނު އަސްކަރީ ބަޔާނެއްގައި ބުނެފައިވާ ގޮތުން، އެ ޤައުމުން ވަނީ އީރާނުގެ 20 އަސްކަރީ ތަނަކަށް ތިން ފަހަރެއްގެ މަތިން ވަރުގަދަ ހަމަލާތަކެއް ދީފައެވެ. މި ހަމަލާތައް ދިނީ ފައިޓަރ ޖެޓްތަކާއި މިސައިލްތައް ބޭނުންކޮށްގެންނެވެ. އަދި މިހާރު މި ހަމަލާތައް ވަނީ ހުއްޓާލާފައެވެ.

އިސްރާއީލުގެ ބަޔާނުގައި ބުނެފައިވާ ގޮތުން، ހަމަލާ ދިން ތަންތަނަކީ ކުރީއްސުރެ ހަމަލާދޭން ކަނޑައަޅާފައިވާ އަސްކަރީ 20 ތަނެވެ. މީގެ ތެރޭގައި ހިމެނެނީ:

1. އީރާނުގެ ވެރިރަށް ތެހެރާން

2. ގުމް ސިޓީ

3. ޚަރާޖް ސިޓީ

4. ތޯން ސިޓީ

މި ސިޓީތަކުގައިވާ އަސްކަރީ ބައެއް ބޭސްތަކާއި، ހަތިޔާރު އުފައްދާ ބައެއް ކާރުޚާނާތަކާއި، ޖާސޫސީ ބައެއް މަރުކަޒުތަކަށް ޙަމަލާ ދިން ކަމަށް އިސްރާއީލުން މިއަދު ނެރުނު ބަޔާނުގައި ބުނެފައިވެއެވެ.

އިސްރާއީލުގެ މީޑިއާ ރިޕޯޓުތަކުން ބުނާ ގޮތުގައި، އީރާނުގެ އެންމެ ބޮޑު އެއް އެއަރޕޯޓް ކަމަށްވާ އިމާމް ޚުމައިނީ އިންޓަނޭޝަނަލް އެއަރޕޯޓަށްވެސް އިސްރާއީލުން ވަރުގަދަ ހަމަލާތަކެއް ދީފައިވެއެވެ.

އެހެންނަމަވެސް، އީރާނުގެ އެއަރ ޑިފެންސް ފޯސްއިން ބުނެފައިވަނީ އެ ޤައުމުގެ ވަށައިގެން ޤާއިމުކޮށްފައިވާ އެއަރ ޑިފެންސް ސިސްޓަމްތަކުން އިޒްރޭލުގެ ހަމަލާ ނާކާމިޔާބުކޮށްލި ކަމަށާއި، ލިބުނީ ކުޑަ ގެއްލުމެއް ކަމަށެވެ. އީރާނުން އިތުރަށް ބުނެފައިވަނީ 3 ސަރަހައްދެއްގައި ހުރި އަސްކަރީ މަރުކަޒުތަކަށް ހަމަލާ އަމާޒުވި ކަމަށާއި، އެތަންތަނަށް ލިބުނީ ކުޑަކުޑަ ގެއްލުމެއް ކަމަށްވާއިރު، އިސްރާއީލުގެ ބަޔާނުގައި ބުނެފައިވާ ގޮތުން، ހަމަލާދިން ތަންތަނުގެ ތެރޭގައި އީރާނުގެ ތެލާއި ގޭހާ ބެހޭ މަރުކަޒުތަކާއި ނިއުކްލިއަރ މަރުކަޒުތައް ހިމެނިފައެއް ނުވެއެވެ.

މީގެއިތުރުން ފާހަގަ ކޮށްލެވޭ އަނެއް ކަމަކީ އިސްރާއީލުން ރޭގެ ޙަމަލާ ދިނުމުގެ ކުރިން އީރާނުން ވަނީ އެ ޤައުމުގެ ވައިގެ ދަތުރުތައް ވަގުތީގޮތުން ހުއްޓާލާފައެވެ. އަދި އީރާނުގެ ޖައްވުވެސް ވަގުތީގޮތުން ބަންދުކޮށްފައެއެވެ. މި ފިޔަވަޅުތައް އަޅާފައިވަނީ އިސްރާއީލުގެ ހަމަލާތަކުގެ ތަންކޮޅެއް ކުރިންނެވެ.

އީރާނުގެ މަދަނީ ދިފާޢީ ޚިދުމަތްތަކުން ބުނެފައިވާ ގޮތުގައި، އިސްރާއީލުގެ ހަމަލާތަކާ ގުޅިގެން ކުއްލި ގޮތަކަށް ހަރަކާތްތެރިވާންޖެހޭ ފަދަ އެއްވެސް ހާލަތެއް ވެރިރަށް ތެހެރާނުގައި ނުވަތަ ތެހެރާނުގެ ބޭރު ސަރަޙައްދުތަކުގައި ކުރިމަތިވެފައެއް ނުވެއެވެ.

އިސްރާއީލުން ބުނެފައިވާ ގޮތުގައި، މި ހަމަލާތައް އީރާނަށް ދިނީ މި މަހުގެ އެއްވަނަ ދުވަހު އީރާނުން އިސްރާއީލަށް ދިން ވަރުގަދަ މިސައިލް ހަމަލާތަކަށް ރައްދު ދިނުމުގެ ގޮތުންނެވެ. އެ ހަމަލާތަކުގައި އިސްރާއީލުގެ އަސްކަރީ އަދި މަދަނީ ތަންތަނަށް ބޮޑެތި ގެއްލުންތަކެއް ލިބިފައިވާކަން ފަހުން ވަނީ ހާމަވެފައެވެ. ނަމަވެސް މީހަކު މަރުވެފައެއް ނުވެއެވެ.

އީރާނުން ކުރިން ބުނެފައިވާ ގޮތުގައި، އިސްރާއީލުން ދޭ ރައްދު ހަމަލާތަކުން އީރާނަށް މާ ބޮޑު ގެއްލުމެއް ނުލިބޭނަމަ، އީރާނުން ސީދާ ގޮތެއްގައި އިސްރާއީލަށް ރައްދު ނުދިނުމަކީ އެކަށީގެންވާ ކަމެކެވެ. އެއީ ސަރަޙައްދީ ހަނގުރާމައަކަށް ދާން އީރާން ބޭނުންނުވާތީއެވެ.