ޣައްޒާގެ މެދުތެރޭގައި އޮންނަ ޕަބްލިކް ސްކޫލަކަށް އިސްރާއީލު ސިފައިން ވައިގެ ހަމަލާދީ މަދުވެގެން ފަލަސްޠީނުގެ 16 މީހުން ޝަހީދުކޮށްލައިފިއެވެ. އޭގެ ތެރޭގައި ހަތަރު ކުޑަކުދިން ވެސް ހިމެނޭ ކަމަށް ޚަބަރުތައް ބުނެއެވެ. މި ޙަމަލާ އަމާޒުކޮށްފައިވަނީ ގެދޮރު ގެއްލިފައިވާ އެތައް ސަތޭކަ ޢާއިލާއަކުން ޙިމާޔަތް ހޯދާފައިވާ ނާސިރާތު ސްކޫލުގެ ޝުހާދާ (ޝަހީދުން) އަށެވެ. ބޮމުގެ ޙަމަލާގެ ސަބަބުން ސްކޫލާއި ކައިރީގައިވާ ސަރަޙައްދުތަކަށް ބޮޑެތި ގެއްލުންތަކެއް ލިބިފައިވާއިރު އޭގެ ތެރޭގައި ލޯކަލް މާރުކޭޓެއް ވެސް ހިމެނެ އެވެ.
ރިޕޯޓްތަކުން ދައްކާ ގޮތުގައި މި ޙަމަލާގައި އެތައް މިސައިލެއް ބޭނުންކޮށްފައިވާއިރު، ޒަޚަމްވި މީހުން ވަނީ ކައިރީގައި ހުރި އަލްއައުދާ އާއި އަލް އަޤްޞާ ހޮސްޕިޓަލްތަކަށް ފަރުވާ ދިނުމަށް ގެންގޮސްފައެވެ.
މީގެ އިތުރުން، ވަކިން ދިން އިތުރު ޙަމަލާތަެއްގައި އިސްރާއީލުން ވަނީ ޣައްޒާގެ އުތުރުގައި އޮންނަ ކަމާލް އަދުވާން ހޮސްޕިޓަލަށް ޙަމަލާ ދީފައެވެ. އެ ހޮސްޕިޓަލުގެ ޑިރެކްޓަރު ހުޝާމް އަބޫ ސާފިޔާ ރިޕޯޓްކޮށްފައިވާ ގޮތުގައި އެ ހޮސްޕިޓަލުގެ އިންޓެންސިވް ކެއާ ޔުނިޓް (އައިސީޔޫ) އަށް ޙަމަލާދީ ބޮޑެތި ގެއްލުންތަކެއް ލިބިފައިވެ އެވެ. އޭނާ ފާހަގަކުރެއްވި ގޮތުގައި ޙަމަލާ ދިނީ ސީދާ ހޮސްޕިޓަލަށް އަމާޒުކޮށެވެ. ހުރަސްއަޅަމުންނެވެ. މިވަގުތު 15 އަށް ވުރެ ގިނަ ބަލިމީހުންގެ ހާލު ސީރިއަސް ކަމަށް އެހޮސްޕިޓަލާއި ޙަވާލާދީ ޣައްޒާގެ ނޫސްތަކުން ބުނެއެވެ.
މިއީ ޣައްޒާގެ އުތުރުގައި ޞިއްޙީ ޚިދުމަތްދޭ ތަންތަނަށް ގަސްދުގައި ދެމުންދާ ސިލްސި؛ާ ޙަމަލާތަކެއްކަން ފާހަގަ ކުރެވެއެވެ. މިދިޔަ ހަފްތާގައި ޖަބަލިއާގެ އަލްއައުދާ ހޮސްޕިޓަލުގެ އިތުރުން އިންޑޮނޭޝިއާގެ ކަމާލް އަދުވާން އާއި ބެއިޓް ލަހިޔާގެ ހޮސްޕިޓަލްތަކަށް ވެސް ޙަމަލާ ދީފައިވެއެވެ.
އިސްރާއީލުގެ ހަމަލާގެ ސަބަބުން އެ ސަރަހައްދުގެ ގާތްގަނޑަކަށް މުޅި އާބާދީ ގެދޮރު ގެއްލިފައިވާއިރު، މިހާރު ކުރިއަށްދާ ހަމަލާތަކުގެ ސަބަބުން ކާބޯތަކެއްޗާއި ސާފު ފެނާއި ބޭހުގެ ދަތިކަން ވަރަށް ބޮޑަށް ވަނީ ކުރިމަތިވެފަ އެވެ.
ޑަބުލިޔޫއެޗްއޯގެ ޓީމުތަކުން ޣައްޒާގައި ޕޯލިޔޯ ވެކްސިން ދިނުން ވެސް މެދުކަނޑާލާފައިވަނީ އިސްރާއީލްގެ ޙަމަލާތައް ސީދާ ޞިއްޚީ ޚިދުމަތްދޭ ތަންތަނަށް އަމާޒުވަމުންދާ ދަނޑިވަޅުގައެވެ.
