ލުބުނާނުގެ ޙިޒުބުﷲ ޖަމާޢަތުން އިޒްރޭލުގެ އަސްކަރީ މަރުކަޒަކަށް ޑްރޯން މެދުވެރިކޮށް ރއިއްޔެއާއި ރޭ ދީފައިވާ ހަމަލާއެއްގައި އިޒްރޭލުގެ އައި ޑީ އެފް ގެ ޗީފް އޮފް ސްޓާފް އާއި އެކު ސިފައިންގެ މަތީފަންތީގެ އެތައް އޮފިސަރުންނެއް މަރުވެއްޖެކަމަށް އިޒްރޭލުގެ ނޫސްތަކުން ބުނެފިއެވެ. އެ ހަމަލާގައި އިޒްރޭލު ސިފައިންގެ 70 މީހުން މަރުވެ ގިނަ ސިފައިންތަކެއް ޒަހަމުވެފައިވާކަމަށް ވެސް ވެއެވެ.  

މިއީ އިޒްރޭލުން ލުބުނާނަށް ސިލްސިލާކޮށް ހުއްޓުމެއް ނެތި ބޮންއަޅާތާ ދެހަފްތާ ފަހުން ހިޒުބުﷲ އިން އިޒްރޭލަށް އެންމެ ބޮޑު ގެއްލުމެއް ދިން ހަމަލާ އެވެ. ހިޒްބުﷲއިން އިއްޔެ ވަނީ ހައިފާއަށް ވަރަށް ވަރުގަދަ ހަމަލާތަކެއް ދީފައެވެ. 

އިޒްރޭލުން ލުބުނާނަށް ހަމަލާ ދޭން ފަށާފައިވަނީ ، ފަލަސްޠީނުގައި އިޒްރޭލުން ހިންގާ ޤަތުލު ޢާއްމާއި ދެކޮޅުހެދުމަށް ހިޒުބުﷲ އިން އިޒްރޭލަށް ދޭތެރެ ދޭތެރެއިން ދޭ ރޮކެޓް ހަމަލާތައް ހުއްޓުވުމުގެ ބޭނުމުގައިކަމަށް ބުނެއެވެ. އިޒްރޭލުން އެގޮތަށް ބުނި ނަމަވެސް އިޒްރޭލުގެ މަޤްޞަދަކީ ބިން ބޮޑުކުރުމާއެކު އިޒްރޭލާއި ކުރިމަތިލެވޭ ވަރުގެ ޢަރަބި ޤައުމެއް މެދުއިރުމަތީގައި އޮތުނަ ނުދިނުން ކަމަށް ބޭރުގެ ޚަބަރުފަތުރާ ވަޞީލަތްތަކުން ބުނެއެވެ.

އިޒްރޭލަކީ އެމެރިކާ އާއި އިނގިރޭސިވިލާތާއި ހުޅަގުގެ މަޞްލަޙަތު ހިމާޔަތް ކުރުމަށް އުފައްދާފައިވާ އަސްކަރީ ބާރަކަށް ވުމުން އެމެރިކާ ގެންދަނީ ، އިޒްރޭލުން ހިންގާ ހުރިހާ ޖަރީމާތަކަކަށް ރައްކާތެރިކަން ދީ ހަތިޔާރު ފޯރުކޮށް ދެމުންނެވެ. އަދި އިޒްރޭލާއި ދެކޮޅަށް އދ.އާއި އިންޓަރނޭޝަލް ކްރިމިނަލް ކޯޓުން އެއްވެސް ބާވަތެއްގެ ފިޔަވަޅެއް އެޅުމަށް ވެސް ހުރަސް އަޅަމުންނެވެ.