ތިލަފުށީގައި ގާއިމްކުރާ ބައިނަލްއަގުވާމީ ވިޔަފާރި ބަނދަރު ތަރައްގީކުރުމަށް އެހީތެރިކަން ފޯރުކޮށްދޭނެެ ކަމަށް އިންޑިއާގެ ބޮޑުވަޒީރު ނަރެންދުރަ މޯދީ ވިދާޅުވެއްޖެއެވެ.
ރައީސް ޑރ. މުޙައްމަދު މުޢިއްޒު މިހާރު އިންޑިއާއަށް ކުރައްވަމުން ގެންދަވާ ރަސްމީ ދަތުރުފުޅުގައި މިއަދު ބޭއްވުނު ދެ ގައުމުގެ ދެމެދުގައި ކުރެވުނު ރަސްމީ މަޝްވަރާތަކަށްފަހު ނެރުނު ގުޅިފައިވާ ބަޔާނުގައި ވާހަކަ ދައްކަވަމުން ބޮޑުވަޒީރު މޯދީ މި ވާހަކަ ވިދާޅުވިއެވެ.
މީގެ އިތުރުން، ތިލަމާލެ ބްރިޖުގެ މަސައްކަތް އަވަސްކޮށް މިހާރަށް ވުރެ އަވަހަށް ނިންމުމަށް ބާރު އަޅުއްވާނެކަމަށްވެސް ބޮޑުވަޒީރު މޯދީ ވިދާޅުވިއެވެ.
Advertisement
މިދިޔަ ސަރުކާރުން ކ. ގުޅިފަޅުގައި އަޅަން އުޅުނު ރާއްޖޭގެ މައި ބަނދަރު ތިލަފުއްޓަށް ބަދަލުކުރަން މި ސަރުކާރުން ވަނީ ނިންމާފައެވެ. ކުރީގެ ސަރުކާރުން ގުޅީފަޅުގެ މަޝްރޫޢުއަށް ބޭނުންވާ 400 މިލިއަން ޑޮލަރު އިންޑިއާ އެގްޒިމް ބޭންކުގެ އެހީގައި ހަމަޖައްސާފައިވާއިރު، މިހާރުގެ ސަރުކާރުން ވަނީ އެ މަޝްރޫޢު ތިލަފުއްޓަށް ބަދަލުކޮށް، އެ މަޝްރޫޢުއަށް ހަމަޖެހިފައިވާ ފައިސާފައިސާ އެހެން މަޝްރޫޢުތަކަށް ޚަރަދުކުރަން ނިންމާފައެވެ.
މި ބައްދަލުވުމުގައި ދެ ގައުމުގެ ދެމެދުގައި އޮތް ގުޅުން އިތުރަށް ބަދަހިކުރުމާ ގުޅޭގޮތުން މަޝްވަރާކުރެވުނު ކަމަށް ވެސް މަޢުލޫމާތު ލިބިފައިވެއެވެ. ތިލަފުށީގައި ގާއިމްކުރާ ބައިނަލްއަގުވާމީ ވިޔަވިޔަފާރި ބަނދަރު ތަރައްގީކުރުމަށް އިންޑިއާއިން އެހީތެރިވާނެ ކަމުގެ އިޝާރާތް ލިބުމަކީ ރާއްޖޭގެ އިގްތިޞާދީ ކުރިއެރުމަށް ލިބޭނެ ބޮޑު ކުރިއެރުމެއް ކަމަށް ސަރުކާރުގެ އިސް ވެރިން ދެކެވަޑައިގަންނަވައެވެ.
