^{ރައީސް ޑރ.މުހައްމަދު މުއިއްޒު ދިއްލީގައި ދިވެހިންނާއި ބައްދަލުކުރައްވައި ވާހަކަފުޅު ދައްކަވަނީ: އެމަނިކުފާނު ވަނީ ބޭރު ގައުމުތަކުގައި އުޅޭ ދިވެހިންނަށް މިހާރަށްވުރެ ރަނގަޅަށް ދައުލަތުގެ ގުޅުންހުރި އިދާރާތަކުން ހިދުމަތް ދިނުމުގެ މުހިއްމުކަން ފާހަގަ ކުރައްވާފަ}

އެމަނިކުފާނުގެ ޚާރިޖީ ސިޔާސަތުގެ މަޤްޞަދަކީ ރާއްޖެއިން ބޭރުގައި ތިބި ދިވެހިންނަށް ފުރިހަމަ ފައިދާ ފޯރުކޮށްދިނުމާއި، އެމްބަސީތަކާއި އެނޫންވެސް އިދާރާތަކުން އެމީހުންނަށް ފުރިހަމަ އެއްބާރުލުން ލިބޭކަން ކަށަވަރުކުރުން ކަމަށް މިހާރު އިންޑިއާގެ ދިއްލީއަށް ވަޑައިގެން އުޅުއްވާ ރާއްޖޭގެ ރައީސުލް ޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ. 

ރޭ ވަރަށް އިރާކޮޅު ނިއުދިއްލީގެ ކަމާލް މަހާލް ހޯލުގައި ދިވެހިންނާއި ބައްދަލުކުރައްވައި ، ރައީސް ޑރ. މުހައްމަދު މުއިއްޒު ވަނީ އެމަނިކުފާނުގެ ވެރިކަމުގައި ރައްޔިތުން މަރުކަޒުކޮށްފައިވާ ޚާރިޖީ ސިޔާސަތަށް އަލިއަޅުއްވާލައްވައި، ބޭރުގެ ދަތުރުފުޅުތަކުގައި އަބަދުވެސް ރާއްޖެއިން ބޭރުގައި ދިރިއުޅޭ ދިވެހިންނާއި ބައްދަލުކުރައްވާ ކަމަށް ވިދާޅުވެފަ އެވެ. 

. "ރާއްޖެއިން ބޭރުގައި ތިބި ރައްޔިތުންނާ ބައްދަލުކުރުމަކީ އަޅުގަނޑުގެ ހުރިހާ ދަތުރުތަކެއްގައި ވެސް އިސްކަންދޭ ކަމެއް،" ކޮންސިއުލަރ އެހީތެރިކަން ރަނގަޅު ކުރުމުގެ ބޭނުންތެރިކަން ފާހަގަކުރައްވައި ހޮޓަލުގައި ހުންނަވައި ދިވެހިންނާއި ބައްދަލުކުރައްވައި ރައީސް ވިދާޅުވި އެވެ.

^{ރައީސް ޑރ.މުހައްމަދު މުއިއްޒު ދިއްލީގައި ދިވެހިންނާއި ބައްދަލުކުރައްވައި ގްރޫޕް ފޮޓޯއެއްގައި ބައިވެރިވެވަޑައިގަންނަވަނީ}