ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ފަލަސްތީނަށް އދ.ގެ ފުރިހަމަ މެންބަރުކަން ދެއްވުމަށް ގޮވާލައްވާފައެވެ. މީގެ އިތުރުން، ދުނިޔެއަށް ކުރިމަތިވެފައިވާ ބޮޑެތި މައްސަލަތަކާ ގުޅޭގޮތުން ބައިނަލްއަޤްވާމީ މުޖުތަމަޢުގެ އިހުމާލު ފާހަގަކުރެއްވިއެވެ. ރައީސް މިހެން ވިދާޅުވީ އދ.ގެ 79 ވަނަ އާންމު މަޖިލީހުގައި ދެއްވި ތަޤުރީރުކުރައްވަމުންނެވެ.
ރައީސުލްޖުމްހޫރިއްޔާ އެމަނިކުފާނުގެ ތަޤުރީރު ފައްޓަވަމުން ވިދާޅުވީ، މިވަގުތު ދުނިޔެއަށް ކުރިމަތިވެފައިވާ ބޮޑެތި މައްސަލަތަކުގެ ސަބަބުން އަސަރުނުކުރާ ޤައުމެއް ނެތް ކަމަށެވެ. ނަމަވެސް، މި މައްސަލަތައް އިތުރުވަމުންދާއިރު، ބައިނަލްއަޤްވާމީ މުޖުތަމަޢުއިން އެކަށީގެންވާ މަސައްކަތެއް ނުކޮށް، އެކަމާ އަޅާނުލާ ކަމަށް ރައީސުލްޖުމްހޫރިއްޔާ ފާހަގަކުރެއްވިއެވެ.
"އަޅުގަނޑުމެން ބޭނުންވަނީ ހަމަޖެހުމުގައި އޮތް އދއެއް. ނުތަނަވަސްކަމުގައި އޮތް އދއެއް ނޫން،" މިހެން ރައީސުލްޖުމްހޫރިއްޔާ ވިދާޅުވެ، ދުނިޔޭގެ މައްސަލަތަކަށް ހައްލު ހޯދުމުގައި އދ.ގެ މުހިންމުކަން ފާހަގަކުރެއްވިއެވެ.
Advertisement
ރައީސުލްޖުމްހޫރިއްޔާގެ މި ތަޤުރީރުގައި، ފަލަސްތީނުގެ މައްސަލައަށް ޚާއްޞަ ސަމާލުކަމެއް ދެއްވައި، ފަލަސްތީނަށް އދ.ގެ ފުރިހަމަ މެންބަރުކަން ދިނުމަށް ގޮވާލެއްވިއެވެ. މިކަމަކީ ދިވެހިރާއްޖެއިން އަބަދުވެސް ތާއީދުކުރަމުން އަންނަ ކަމެއް ކަމަށްވެސް އެމަނިކުފާނު ފާހަގަކުރެއްވިއެވެ.
ރައީސުލްޖުމްހޫރިއްޔާގެ މި ތަޤުރީރަކީ ދުނިޔޭގެ މައްސަލަތަކަށް ސަމާލުކަން ގެނައުމަށާއި، ބައިނަލްއަޤްވާމީ މުޖުތަމަޢުގެ ޒިންމާ ހަނދާންކޮށްދިނުމަށް ދެއްވި މުހިންމު ތަޤުރީރެއް ކަމުގައި ބެލެވެއެވެ.
