ޒުވާނުން ބާރުވެރިކުރުވުމާއި ޑިޖިޓަލް އިންފްރާސްޓްރަކްޗާއާ ގުޅޭ ގޮތުން ފިޔަވަޅު އެޅުމަށް ރައީސް ޑރ. މުހައްމަދު މުއިއްޒު އިލްތިމާސް ކުރައްވައިފިއެވެ.

ސަމިޓް އޮފް ދަ ފިއުޗަރ ގައި ރާއްޖޭގެ ރައީސް ޑރ. މުހައްމަދު މުއިއްޒު ވަނީ ޒުވާނުން ބާރުވެރިކުރުވުމަށާއި ޓެކްނޮލޮޖީއާއި މުޖުތަމަޢާ ދެމެދު އޮތް ފަރަގު ކުޑަކުރުމުގައި ޙަރަކާތްތެރި ފިޔަވަޅެއް އަޅަންޖެހޭކަމަށް އަލިއަޅުވާލައްވާފައެވެ. ރައީސް ފާހަގަކުރެއްވި ގޮތުގައި އދ ފަދަ ޖަމިއްޔާތަކުން މީގެ އެތައް އަހަރުތަކެއް ވަންދެން މަޝްވަރާތައް ކުރި ނަމަވެސް ގިނަ ކަންތަކެއް އަދި ޙަޤީޤަތަކަށް ނުވެއެވެ. ޒުވާނުން ބާރުވެރި ކުރުމަކީ ތަނަވަސް މުސްތަގުބަލެއް ބައްޓަން ކުރުމަށް އެހީތެރިވެދޭނެ ކަމެއް ކަމަށް ވިދާޅުވެ، މަލްޓިލޭޓަރަލް ނިޒާމުތަކުގެ ތެރެއިން އަވަސް ފިޔަވަޅުތަކެއް އެޅުމަށް އެމަނިކުފާނު ގޮވާލެއްވި އެވެ.

ޒުވާނުންނަށް ޒަމާނީ ޓެކްނޮލޮޖީ ލިބިގަތުމަށް ބޭނުންވާ ޑިޖިޓަލް އިންފްރާސްޓްރަކްޗާއަށް މިހާރުވެސް ސަރުކާރުން އަންނަނީ އިންވެސްޓް ކުރަމުންނެވެ. ޑިޖިޓަލް ވަސީލަތްތަކާއި ޒަމާނީ އާ އުފެއްދުންތައް ލިބޭނެ ގޮތް ފުޅާކޮށް، ރައީސްގެ އަމާޒަކީ އިގްތިސާދީ ކުރިއެރުމާއި އިޖުތިމާއީ ހަމަހަމަކަމަށް އެހީތެރިވުމުގައި އެމީހުންގެ ދައުރަށް ހިތްވަރު ދިނުމެވެ. ރައީސް މުއިއްޒު ވިދާޅުވި ގޮތުގައި ބާރުވެރި ޒުވާނުން ބިނާކުރާ މުސްތަގުބަލެއްގެ ސަބަބުން ހަރުދަނާ ޖަމާއަތްތަކާއި ހަމަހަމަ މުޖުތަމައުތަކެއް އުފެދިގެންދާނެ އެވެ.

"ޒުވާނުން ބޭނުންވާ ގޮތަށް މުސްތަގުބަލު ބައްޓަން ކުރުމުގެ ބާރު ޒުވާނުންނަށް އޮންނަން ޖެހޭނެ،" މުސްތަގުބަލަށް އަމާޒު މުޖުތަމައެއް ބިނާކުރުމަށް އެމަނިކުފާނުގެ ތަޞައްވުރު ފާޅުކުރައްވަމުން ރައީސް ޑރ.މުއިއްޒު ވިދާޅުވި އެވެ.