ބަންކަރިންގެ ޚިދުމަތުގެ ތެރެއިން ހއ.ހޯރަފުށި ވަރުގަދަ މެރިޓައިމް ހަބަކަށް ބަދަލުކުރަން ނިންމައިފިއެވެ.

އެމްޕީއެލްގެ ސީއީއޯ މުހައްމަދު ވަޖީހު އިބްރާހިމް ޕީއެސްއެމްގެ ޕްރޮގްރާމެއްގައި ވިދާޅުވީ 

ސަރުކާރުގެ ބަންކަރިންގެ ޚިދުމަތުގެ ދެވަނަ ފިޔަވަހީގެ ދަށުން ހޯރަފުށީ ފަޅު ހިއްކައިގެން ބައިނަލްއަގްވާމީ ފެންވަރުގެ ކޮންޓެއިނަރު ޓާމިނަލަކާއި ތެޔޮ ޓާމިނަލެއް އެޅުމަށް ވަނީ ހަމަޖެހިފައެވެ. މި ބޮޑު މަޝްރޫޢުގެ މަޤްޞަދަކީ ރާއްޖެއާއި ދުނިޔޭގެ އެހެން ޤައުމުތަކާ ދެމެދު މުދާ ހިފައިގެން ދަތުރުކުރުމަށް މަގުފަހިކޮށްދީ ކަނޑުގެ އިޤްތިޞާދު ކުރިއެރުވުމެވެ.

މި މަޝްރޫޢު ފަށާނީ ބަންކަރިން ޚިދުމަތުގެ ދެވަނަ ފިޔަވަހީގައި ކަމަށް ވަޖީހު ވިދާޅުވިއެވެ.

ހޯރަފުށީގައި ޓާމިނަލެއް އެޅުމުގެ އިތުރުން ޕައިލެޓޭޖް، ކްރޫ ބަދަލުކުރުމާއި، ކާބޯތަކެތި ފޯރުކޮށްދިނުމާއި، މެއިންޓެނަންސްގެ ހިދުމަތްތައް ހިމެނޭ ގޮތަށް އުޅަނދުތަކަށް ގިނަ ހިދުމަތްތަކެއް ލިބޭނެ އެވެ. މިކަމުގެ ސަބަބުން އިގްތިސާދަށް މުހިންމު އެހީތެރިކަމެއް ލިބިގެންދާނެ ކަމަށް ވަޖީހު ފާހަގަ ކުރައްވައެވެ.

ކްރޮސްޑް ކާގޯގެ ހިދުމަތް ތައާރަފް ކުރުމުން މި ބަނދަރުގެ ސަބަބުން ދުނިޔޭގެ ވިޔަފާރީގެ މަގުތަކާ ގުޅުން އިތުރުވެގެންދާނެ އެވެ.

ހޯރަފުށީގެ ތަރައްގީއަކީ ކަނޑުގެ ދާއިރާ ކުރިއެރުވުމަށް ސަރުކާރުން ގެންގުޅޭ ތަސައްވުރުގެ ބައެކެވެ. އާ ފެސިލިޓީތަކާއެކު ހޯރަފުއްޓަށް އިންޓަނޭޝަނަލް ޝިޕިން ކުންފުނިތައް ޝައުގުވެރިވެ، ކަނޑުގެ އިންފްރާސްޓްރަކްޗާގައި މުހިންމު ގޭޓްވޭއެއްގެ ދައުރު ވަރުގަދަވާނެ ކަމަށް ބެލެވެ އެވެ.