ރޭ ކަނުއަނދިރީގައި ހައްދުފަހަނައެޅި އިސްރާއީލުގެ ފޯސްތަކުން ޚާން ޔޫނިސްގެ އަލްމަވާސީގައި ހިންގީ ސީދާ ޤަތުލުޢާންމެއްކަން ވަރަށް ރަނގަޅަށް ސާބިތުވާ ކަމަށް ޚަބަރުތައް ބުނެއެވެ.

މެދުއިރުމަތީގެ ރިޕޯޓްތަކުގައިވަނީ ރޭ ވައްޓާލީ 2000 ޓަނުގެ ބޮމެކެވެ.

2،000 ޓަނުގެ ބޮމަކީ ހަނގުރާމައިގައި ބޭނުންކުރާ އާންމު ބޮމުގެ މިންވަރަށް ވުރެ އާދަޔާ ހިލާފު ބޮޑު ބޮމެކެވެ. ހަނގުރާމަތަކުގައި އާންމުކޮށް ބޭނުންކުރަނީ 130 ކިލޯގެ ބޮމެވެ. ބޮޑެތި ރޭލްވޭ ސްޓޭޝަން ތަކާއި ރަންވޭތައް ގޮއްވާލުމަށްވެސް ބޭނުންކުރަނީ 907 ކިލޯގެ ބޮމެވެ. އެއީ 2000 ޕައުންޑުގެ ބޮމެވެ.

ނަމަވެސް 2000 ޓަނުގެ ބޮމެއް ވައްޓާލުމަކީ އާދަޔާ ޚިލާފު ކަމަކަށް ވާނެއެވެ. އެކަމުގެ ސަބަބުން ބޮޑު ސަރަހައްދެއް ފަނާވެ، އިމާރާތްތައް ފުނޑުފުނޑުވެ ވެއްޔަށް ވާނެއެވެ. 

މި ފަދަ ބޮންތަކަކީ އާންމުކޮށް އާންމު ހަނގުރާމައިގައި ބޭނުންކުރާ އެއްޗެއް ނޫނެވެ. މިފަދަ ބޮންތައް ބޭނުންކުރަނީ ފަރުބަދަތަކުގެ ތެރޭގައި ހުންނަ ހޮހަޅަތަކާއި އަދި ބިމުގެ އަޑީގައި ހުންނަ ބިންގަރާސްތައް ނައްތާލުމަށެވެ.

ޢަމަލީގޮތުން ބަލާއިރު، މިޒަމާނުގެ ހަނގުރާމައިގައި މިފަދަ ބޮޑު ބޮންތައް ބޭނުން ނުކުރެއެވެ. ސަބަބަކީ އޭގެ ގެއްލުން ބޮޑުކަމުންނެވެ.

ބޮމުގެ ބާރު ގަދަކަމުން ބިމަށް އައިސްފައިވާ ލޮޅުން. ފޮޓޯ: ޤުދުސް ނެޓްވޯކް