ޣައްޒާގެ ދެކުނުގައި އޮންނަ އިންސާނީ އެހީތެރިކަމުގެ ސަރަހައްދަކަށް އިޒްރޭލުން ރޭ ދިން ވައިގެ ހަމަލާއެއްގައި 40 މީހުން ޝަހީދުކޮށްލައިފިއެވެ.
ޚާން ޔޫނިސް ކައިރީގައި އޮންނަ އަލް މަވާސީ ސަރަހައްދުގައި ހުންނަ އެ ޒޯނުގައި ހިޔާވަހިކަން ދެމުން ދިޔައީ ގެދޮރު ގެއްލިފައިވާ ފަލަސްތީނުގެ ރައްޔިތުން ކަމަށާއި އޭގެ ތެރެއިން ގިނަ މީހުން ދިރިއުޅެމުން ދިޔައީ ވަގުތީ ޓެންޓްތަކުގައި ކަމަށް ޚަބަރު ލިބެއެވެ.
ޣައްޒާގެ ސިވިލް ޑިފެންސް އިން ރިޕޯޓްކޮށްފައިވާ ގޮތުގައި 60 އަށް ވުރެ ގިނަ މީހުންނަށް ބޮޑެތި ޒަހަމްތައް ލިބިފައިވާއިރު، ގިނަ ބަޔަކު ވަނީ އެ ބާރުގަދަ ބޮމުގެ ސަބަބުން އުފެދުނު ކުންޏާއި ވެލިގަނޑުގެ ދަށުގައި ވަޅުލެވިފައެވެ. ޚަބަރުތައް ބުނާ ގޮތުން މިހަމަލާގެ ސަބަބުން ޝަހީދުވާ މީހުންގެ އަދަދު އަދިވެސް އިތުރުވެދާނެ ކަމަށް ބެލެވެއެވެ.
Advertisement
އިސްރާއީލުގެ ޑިފެންސް ފޯސަސް (އައިޑީއެފް) އިން ބުނީ ހަމަލާ އަމާޒުކޮށްފައިވަނީ ހަމާސްގެ ކޮމާންޑް ސެންޓަރަކަށް ކަމަށެވެ. ހަމާސްއިން ވަނީ އެ ސަރަހައްދުގައި ހަނގުރާމަވެރިން ތިބިކަން ދޮގުކޮށްފައެވެ. އަދި ހަމަލާ ދިނީ ސީދާ އާންމުންނަށް އަމާޒުކޮށް ކަމަށް ހަބަރުތައް ބުނެއެވެ.
މަންޒަރު ދުށް މީހުން ބުނާ ގޮތުގައި އެސަރަހައްދަށް ފަސް މިސައިލް އަމާޒުވިއެވެ. ރޭ ދިން ހަމަލާއަކީ ވަރަށް ބާރުގަދަ އަދި ނުރައްކާތެރި ހަމަލާއެއް ކަމަށާއި އެއީ މިފަހުން ދިން އެންމެ ބާރުގަދަ އެއް ހަމަލާ ކަމަށް ހަބަރުތައް ބުނެއެވެ.
