Dhivehi tharika aabehey qaumee marukazun fulhaa dhaairaaehgai global research

ޚުލާސާ

ފާއިތުވި ނުވަ މަސް ދުވަހުގެ ތެރޭގައި 180 އަށް ވުރެ ގިނަ ގައުމުގައި ދިވެހި އައިޑެންޓިޓީ ދެމެހެއްޓުމާ ބެހޭ ގޮތުން އެ ސެންޓަރުން ވަނީ ފުޅާ ދާއިރާއެއްގައި ދިރާސާތަކެއް ކޮށްފަ. ސަގާފީ ތަރިކަ ހިމާޔަތްކޮށް ކުރިއެރުވުމުގައި މުހިންމު ދައުރެއް އަދާކޮށް، ދިވެހި ގައުމިއްޔަތުގެ އަސާސީ އުސޫލުތަކާ ބެހޭ ގޮތުން 800 އަށް ވުރެ ގިނަ ފަންނީ ބޭފުޅުންނަށް ތައުލީމު ދީފަ

ދިވެހި ތަރިކައާބެހޭ ޤައުމީ މަރުކަޒުން ފުޅާ ދާއިރާއެއްގައި ގްލޯބަލް ރިސާރޗް ހެދިކަމަށް ރައީސް ޑރ. މުޙައްމަދު މުއިއްޒު ވިދާޅުވެއްޖެއެވެ.

ރައީސްވަނީ ޤައުމީ ދުވަސް ފާހަގަކުރުމުގެ ގޮތުން ދެއްވި ޚިޠާބުގައި ދިވެހި ތަރިކަ ދިރާސާކުރާ ޤައުމީ މަރުކަޒުން ހޯދާފައިވާ ކާމިޔާބީތަކަށް އަލިއަޅުވާލައްވާފައެވެ.

ރައީސް ވިދާޅުވީ، ފާއިތުވި ނުވަ މަސް ދުވަހުގެ ތެރޭގައި 180 އަށް ވުރެ ގިނަ ގައުމުގައި ދިވެހި އައިޑެންޓިޓީ ދެމެހެއްޓުމާ ބެހޭ ގޮތުން އެ ސެންޓަރުން ވަނީ ފުޅާ ދާއިރާއެއްގައި ދިރާސާތަކެއް ހަދާފައިވާކަމަށެވެ. އަދި ރާއްޖޭގެ ސަގާފީ ތަރިކަ ހިމާޔަތްކޮށް ކުރިއެރުވުމުގައި މުހިންމު ދައުރެއް އަދާކޮށް، ދިވެހި ގައުމިއްޔަތުގެ އަސާސީ އުސޫލުތަކާ ބެހޭ ގޮތުން 800 އަށް ވުރެ ގިނަ ފަންނީ ބޭފުޅުންނަށް ތައުލީމު ދީފައި ކަމަށް ރައީސް ވިދާޅުވިއެވެ.

މިއަދު ފާހަގަކުރާ ޤައުމީ ދުވަހުގައި ރައީސް ވިދާޅުވީ މިއަދުގެ ދުނިޔޭގައި ބަހާއި ތަރިކައިގެ ދާއިރާއަކީ ވަރަށް ޢިލްމީ ވަރަށް ސައިންޓިފިކް ދާއިރާއެއްކަމަށެވެ. ދުނިޔޭގެ ބައެއް ޤައުމުތަކުގެ ޤައުމީ ތަރިކައިގެ ޝިޢާރުތައް ބުނާ ގޮތުން އެ ޤައުމުތަކުގެ އިޤުތިޞާދާއި ތަރައްޤީގެ ހިތަކީ ތަރިކައާއި ސަގާފަތާއި ތާރީޚުކަން ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ފާހަގަކުރެއްވިއެވެ.