ހުޅަނގާއި އެކު އުފެދިފައިވާ ނުތަނަވަސްކަމުގެ ރޭގައި ބްރިކްސްގެ މެމްބަރުކަން ހޯދަން ނޭޓޯގެ ފުރަތަމަ މެމްބަރަކަށް ތުރުކިޔޭ ތައްޔާރުވެއްޖެ އެވެ

ޖިއޮޕޮލިޓިކަލް ބަދަލެއްގެ ތެރެއިން ތުރުކިޔޭ ވެގެންދާނީ ރަޝިޔާ އާއި ޗައިނާ އިސްވެ އޮވެ ބްރިކްސް އިގްތިސާދީ ބްލޮކަށް ވަނުމަށް މަސައްކަތްކުރާ ފުރަތަމަ ނޭޓޯގެ މެމްބަރަކަށެވެ.

ރިޕޯޓްތައް ބުނާ ގޮތުގައި އަންކާރާއިން ވަނީ މިހާރުވެސް ބްރެޒިލް، ރަޝިޔާ، އިންޑިއާ، ޗައިނާ، އަދި ދެކުނު އެފްރިކާ ފަދަ ކުރިއަރަމުން އަންނަ ބޮޑެތި އިގްތިސާދުތައް ހިމެނޭ ބްރިކްސްއާ ގުޅުމަށް ރަސްމީކޮށް އެދި ހުށަހަޅާފަ އެވެ. މީގެ އިތުރުން ޔޫއޭއީ، އިތިއޮޕިއާ، އަދި މިސްރު ފަދަ ފަހަކަށް އައިސް އިތުރުކުރި ގައުމުތަކުގެ ސަބަބުން ދުނިޔޭގެ މައިދާނުގައި އެ ގްރޫޕްގެ ނުފޫޒު ފުޅާވެފައިވެ އެވެ.

އިސްތަންބޫލްގައި ހުންނަ ތިންކް ޓެންކް އީޑަމްގެ ވެރިޔާ ސިނާން އުލްޖެން ވިދާޅުވި ގޮތުގައި ބްރިކްސްގެ މެމްބަރުކަން ހޯދުމަށް ތުރްކިޔޭން ނިންމުމަކީ ހުޅަނގާ ގުޅުން ދޫކޮށްލުމެއް ނޫން ކަމަށާއި އެއީ ދުވަހެއް ދުވަހަކަށް މަލްޓިޕޯލާ ދުނިޔޭގައި ހުޅަނގު ނޫން ބާރުތަކާ ގުޅުން ބަދަހިކުރުމެވެ. "މިއީ ހުޅަނގުގެ ބަދަލުގައި އަންކާރާއިން ގެންގުޅޭ ސްޓްރެޓެޖީއެއް ނޫން،" އުލްޖެން ނިއުސްވީކަށް ވިދާޅުވި އެވެ.

މިގޮތަށް އެދިފައިވަނީ ތުރުކީން ޔޫރަޕިއަން ޔޫނިއަންއާ ގުޅުމަށް ހުރަސްތަކެއް ކުރިމަތިވަމުންދާ ދަނޑިވަޅެއްގަ އެވެ. އީޔޫއާ އެކު ކުރިއަށް ގެންދިޔަ މަޝްވަރާތައް ހުއްޓިފައިވުމާއި އެމެރިކާއާ ތުރުކިޔޭގެ ގުޅުން އިސްރާއީލް މައްސަލައާއިހެދި ހީނަރުވުމުގެ ސަބަބުން އެހެން ބައިވެރިން ހޯދުމަށް އަންކާރާގެ ޝައުގުވެރިކަން އިތުރުވެފައިވާ ކަމަށް ރިޕޯޓްތައް ބުނެ އެވެ.

ތުރްކިޔޭއަކީ އިސްލާމީ އެންމެ ނުފޫޒުގަދަ ގައުމުތަކުގެ ތެރެއިން ފާޅުގައި އެންމެ ވަރުގަދައަށް އިސްރާއީލަށް ދަތިކުރި ގައުމެވެ. އެގޮތުން ތުރްކިޔޭއިން ވަނީ ހުރިހާ ވިޔަފާޜީގެ ގުޅުމެއް އިސްރާއީލާއި ކަނޑައި އެގައުމުގައި ތިބި އިސްރާއީލްގެ ހުރިހާ ރައްޔިތުން ބޭރުކޮށްފައެވެ.

ބްލޫމްބާގުން ބުނާ ގޮތުގައި ތުރުކިޔޭގެ ރައީސް ރަޖަބް ޠޮއްޔިބް އެރްދޮޣާންގެ ވެރިކަމުގައި ގަބޫލުކުރާ ގޮތުގައި ނޭޓޯގެ މެމްބަރެއްގެ ގޮތުގައި އޮތަސް ދުނިޔޭގެ ބާރުތައް މިހާރު ބެހިގެންދާ ގޮތުން، މިއީ ލިބުނު ފުރުސަތެއްގެ ގޮތުގައި ދެކޭތީ، ބްރިކްސް ގައުމުތަކާ ގުޅުން އުފެއްދުމަށް ޝައުގުވެރިވާ ކަމަށް ފެނެ އެވެ.