މިދިޔަ ފެބްރުއަރީ މަހުގެ ފަހުކޮޅު އެމެރިކާ އާއި އިޒްރޭލުން އީރާނާ ދެކޮޅަށް ފެށި ހަނގުރާމައަށް ނޮވެމްބަރު 13 ގެ ނިޔަލަށް ގާތްގަނޑަކަށް 48.3 ބިލިއަން ޑޮލަރު ޚަރަދުވެފައިވާ ކަމަށް އެމެރިކާގެ ދިފާއީ ވުޒާރާ (ޕެންޓަގަން) އިން ހާމަކޮށްފިއެވެ.
ޕެންޓަގަންގެ ބަޖެޓް އޮފިޝަލް އާތަރ މިލަރ، ސެނެޓްގެ އާމްޑް ސާވިސަސް ކޮމިޓީގައި ވާހަކަދައްކަވަމުން ވިދާޅުވީ މި އަދަދުގެ ތެރޭގައި ހިމެނެނީ ހަތިޔާރާއި، އާލާތްތައް އަލުން ހޯދުމާއި، އަސްކަރީ އޮޕަރޭޝަންތަކުގެ ޚަރަދު އެކަނި ކަމަށެވެ.
އީރާނުގެ ހަމަލާތަކުގައި މެދުއިރުމަތީގައި ހުރި އެމެރިކާގެ އަސްކަރީ މަރުކަޒުތަކަށް ލިބުނު ގެއްލުންތައް މަރާމާތުކުރުމުގެ ޚަރަދު މި ހިސާބުތަކުގައި ނުހިމެނޭތީ، ސެނެޓަރުން ވަނީ އެ ގެއްލުންތަކުގެ ތަފްސީލު ވީހާވެސް އަވަހަކަށް ހުށަހެޅުމަށް ޕެންޓަގަނަށް އަންގާފައެވެ.
އީރާނުގެ ވެރިކަމުގެ ނިޒާމު ބަދަލުކޮށްލަން އެމެރިކާއިން ފެށި ހަނގުރާމައިގައި މިހާތަނަށް ޕެންޓަގަން އިން ބޭނުންވި ކަންކަން ކާމިޔާބުވެފައި ނުވާއިރު، އެ ސަރަހައްދުގައިވާ އެމެރިކާގެ ހުރިހާ ބޭސްތަކަށް އީރާނުން ވަނީ ބޮޑެތި ގެއްލުންތައް ދީފައެވެ.



