ބޮޑުކަންނެލީގެ މަސްވެރިކަމުގައި ހުރި ދަތިތައް ހައްލުކޮށްދެއްވާނެކަމުގެ ޔަޤީންކަން ރައީސް ޑރ. މުޙައްމަދު މުއިއްޒު ދެއްވައިފިއެވެ. މި ޔަޤީންކަން ރައީސް ދެއްވީ މިއަދު ރައީސް އޮފީހުގައި ބޮޑުކަންނެލީގެ މަސްވެރިންގެ ޔޫނިއަންއާއެކު ބޭއްވުނު ބައްދަލުވުމުގައި ވާހަކަފުޅު ދައްކަވަމުން ރައީސް ވިދާޅުވީ މިފަދަ ބައްދަލުވުންތަކުގެ މަޤްޞަދަކީ ރައްޔިތުންގެ އެދުމާ އެއްގޮތަށް ސަރުކާރު ހިންގުން ކަމަށެވެ. އަދި މެނިފެސްޓޯގައިވާ ކަންކަން ފުރިހަމަކުރުމުން މަސްވެރިކަމުގެ ދާއިރާއަށް ހައްލު ލިބޭނެކަމަށްވެސް ރައީސް ވިދާޅުވިއެވެ.

ބޮޑުކަންނެލީގެ މަސްވެރިންގެ ޔޫނިއަންގެ ރައީސް، ޙުސައިން ނަޝީދު ވެސް ބަ މއްދަލުވުމުގައި ބައިވެރި ވިއެވެ. މި ބައްދަލުވުމުގައި މަސްވެރިންނަށް ކުރިމަތިވެފައިވާ މައިގަނޑު ގޮންޖެހުންތަކުގެ ތެރޭގައި އާމްދަނީ ދަށްވުމާއި މާލޭ ފަޅުގެ ޖާގައިގެ ދަތިކަން ހިމެނޭކަމަށް ފާހަގަކުރެއްވިއެވެ. ރައީސުލްޖުމްހޫރިއްޔާ ވަނީ މި ދަތިތައް ޙައްލުކޮށްދެއްވުމަށް މަސައްކަތް ކުރައްވާނެކަމުގެ ޔަޤީންކަން އަރުވާފައެވެ.

"އެންމެ ބޮޑު ގޮންޖެހުމަކީ ކަންނެލި މަސްވެރިކަމުގައި ލިބޭ އާމްދަނީ ދަށްވެ އަގުގެ ދަތިކަން. ކަންނެލި އެއް އަގެއްގައި ހިފެހެއްޓިފައި ނެތުން. ސަރުކާރުން ކަނޑައަޅާފައި އޮތް ގޮތަށް ފްލޯ ޕްރައިޒް ކަނޑައެޅުމަށް އެދުނ.ިން" ހުސައިން ނަޝީދު ބުނުއްވިއެވެ.

ބޮޑުކަންނެލީގެ މަސްވެރިންނަށް ރައީސާއި މަސްވެރިކަމާބެހޭ ވަޒީރާ ބައްދަލުކުރެވުނު ފުރަތަމަ ފުރުސަތެވެ. ބައްދަލުވުމުގައި ޔޫނިއަންގެ މެންބަރުންނަށް އެމީހުންގެ ކަންބޮޑުވުންތައް ހިއްސާކުރުމުގެ ފުރުޞަތު ދެވުނެވެ. ސަރުކާރުން މަސްވެރިކަމުގެ ސިނާޢަތުގައި މަސައްކަތްކުރާ ފަރާތްތަކުގެ އަޑުއައްސަވާނެކަމަށް ހާމަކުރައްވާފައިވެއެވެ.

^{ފޮޓޯ: ބޮޑުކަންނެލީގެ މަސްވެރިންގެ ޔޫނިއަންއާއެކު ބޭއްވުނު ބައްދަލުވުމުގެ ތެރެއިން}

"ރައީސުލްޖުމްހޫރިއްޔާގެ ފަރާތުން އަޅުގަނޑުމެންނަށް ވަރަށް ޕޮޒިޓިވް ޖަވާބުތަކެއް ލިބުނީ. ވަރަށް ކައިރި މުސްތަޤްބަލުގައި އަޅުގަނޑުމެންގެ ކަނބޮޑުވުންތައް ހައްލު ކޮށްދެއްވަން މަސައްކަތް ކޮށްދެއްވައި އަދި އަޅުގަނޑުމެންނާއި ވަރަށް ކައިރިން މަސައްކަތް ކޮށް ވަރަށް އަވަސް މުސްތަޤްބަލުގައި މިކަންކަމަށް ހައްލު ލިބިގެންދާނެކަމަށް." ހުސައިން ނަޝީދު ވިދާޅުވިއެވެ.