ސްމާޓް ފޯނުތަކަށް މިއީ ނަމާދު ވަގުތުތައް ބަލައިލަން ބޭނުންކުރާ އާދައިގެ އެޕެއް ނޫނެވެ. މިއީ ދުނިޔޭގެ ކޮންމެ ތާކު ހުއްޓަސް ވަޒީފާތަކާއި ފޯނުގެ ސްކްރީންތަކަށް ގެއްލި، އަޅުކަމުގެ މަތިން ހަނދާންނެތޭ މީހުންނަށް ލިބޭނެ އެންމެ ފުރިހަމަ "ޑިޖިޓަލް މުރައްބީ" އެވެ. ބިޒީ ޝެޑިއުލްއެއްގައި އުޅޭ މީހަކަށް ވިޔަސް، ނަމާދާއި ޛިކުރުތަކަށް ފަރުވާތެރިވުމުގެ ޝައުގުވެރިކަން މި އެޕުން ސަތޭކަ ގުނަ އިތުރުކޮށްދޭނެއެވެ.
ތިރީގައި މިވާ ޕްލޭސްޓޯރު ލިންކުން މި އެޕް ޑައުންލޯޑް ކޮށްލެވޭނެ.
https://play.google.com/store/apps/details?id=com.ibrahimzahir.duaily
Advertisement
މި އެޕްގެ އެންމެ ފާހަގަކޮށްލެވޭ ރަންގަނޑެއް ފަދަ ފީޗާތައް ތިރީގައި އެވަނީއެވެ:
- އެންމެ އާދަޔާޚިލާފު ފީޗާ: ޛިކުރު ނުކޮށް ފޯނުން އެހެން ކަމެއް ނުކުރެވޭނެ!
މިއީ އެހެން އެއްވެސް އެޕަކުން ނުފެންނާނެ، މި އެޕްގެ އެންމެ ޚާއްޞަ ޖާދޫއެވެ. ތިބާ ކަނޑައަޅާފައިވާ ނަމާދު ވަގުތެއްގައި ޛިކުރު ނުކޮށް ހުރެއްޖެ ނަމަ، ފޯނުގެ މުޅި ޑިސްޕްލޭ ބްލޮކްވެ، ސީދާ ޛިކުރުތައް ސްކްރީނަށް އަރާނެއެވެ. އަދި އެ ޛިކުރުތައް ކިޔައި ފުރިހަމަނުކުރާހާ ހިނދަކު ފޯނުގެ އެހެން އެއްވެސް އެޕެއް ނުވަތަ ފަންކްޝަނެއް ބޭނުމެއް ނުކުރެވޭނެއެވެ. މިއީ ސޯޝަލް މީޑިއާގެ ތެރެއަށް ގެއްލި، ޛިކުރުތައް ބާކީވެދާ މީހުންނަށް މި ދުނިޔޭގައި އޮތް އެންމެ ވަރުގަދަ އަދި އެންމެ ފައިދާހުރި "ރިމައިންޑަރު" އެވެ!
- "ދަ ޕާތު" – ނަމާދުގެ ސާފު ސީދާ މިސްރާބު
އެޕް ހުޅުވާލުމާއެކު އެންމެ ފުރަތަމަ ލޮލުގައި އަޅާގަންނާނީ ފަސް ނަމާދުގެ ވަގުތުތައް ހިތްގައިމު ލައިނަކުން ފެންނަން އޮންނަ މިބައެވެ. ނަމާދެއް އަދާކުރެވުމާއެކު ފެހިކުލައިގެ ފާހަގައަކުން ބަބުޅާލާނެއެވެ. އަދި މެދުކެނޑުމެއްެއް ނެތި ކޮންމެ ދުވަހަކު ނަމާދުތައް ފުރިހަމަކުރަމުންދާ ވަރަކަށް، ތިބާގެ "ސްޓްރީކް" ނުވަތަ ދުވަސްތައް ގުނައިދޭނެއެވެ. މިއީ ފޫހިކަމެއް ނެތި، އަޅުކަމުގެ ރޭހުގައި ކުރިއަށްދާން ލިބޭ ވަރަށް ބޮޑު ނަފްސާނީ ހިތްވަރެކެވެ.
- ކޮންމެ ނަމާދަކަށް ޚާއްޞަ ޑިޖިޓަލް ތަސްބީޙައެއް!
ފަރުޟު ނަމާދުތަކަށްފަހު ކިޔަންޖެހޭ ދުޢާތަކާއި ޛިކުރުތައް މި އެޕުން ވަކިވަކިން ފެންނަން ހުރެއެވެ. "އަސްތަޣްފިރުﷲ" ނުވަތަ "ސުބްޙާނަﷲ" ފަދަ ޛިކުރުތައް ކިޔަންވީ ޢަދަދު (3، 7، 10 ނުވަތަ 33 ފަހަރު) އަމިއްލައަށް ސެޓްކޮށްލެވެއެވެ. އަދި ފޯނުގެ ސްކްރީނަށް ފިތާލައިގެން ފަސޭހަކަމާއެކު ޛިކުރު ގުނާލެވޭނެ "ޑިޖިޓަލް ތަސްބީޙަ" އެއްގެ ބައިވެސް މީގައި ހިމެނެއެވެ.
- ޤުރުއާން ޚަތިމްކުރުމުގެ ފުރިހަމަ ޕްލޭނަރު
ޤުރުއާން ކިޔަވާ ހިތްވާ ފަރާތްތަކަށް ސޫރަތްތަކާއި ފޮތްބައިތައް އެތުރިފައި ހުރީ އިންތިހާއަށް ތަރުތީބުންނެވެ. އެންމެ ފަހުން ކިޔެވުނު ހިސާބުން ފެށިގެން ކުރިއަށްދާންވީ މިންވަރު ސާފުކޮށް ފެންނަން ހުރުމުން، މިއީ ޚާއްޞަކޮށް ރަމަޟާން މަހު ޤުރުއާން ޚަތިމްކުރަން ބޭނުންވާ މީހުންނަށް ކޮންމެހެން ބޭނުންތެރި، ރަންގަނޑެއް ފަދަ ފިއުޗަރެކެވެ.
- ތިމާގެ ރޫޙާނީ ކުރިއެރުން ދައްކައިދޭ ގްރާފްތައް
ހަފްތާއަކުން، މަހަކުން ނުވަތަ އަހަރަކުން ތިމާއަށް އަދާކުރެވުނު އަޅުކަންތަކުގެ ހިސާބުތައް ޗާޓުތަކާއި ގްރާފްތަކުން ރީތިކޮށް ދައްކައިދެއެވެ. މީގެ އިތުރުން، 1,000 ފަހަރަށް ދުޢާކުރުން ފަދަ ރޫޙާނީ ލަނޑުދަނޑިތައް ޙާޞިލްވުމުން ޚާއްޞަ "ޑިޖިޓަލް ބެޖްތައް" ލިބޭނެއެވެ. މިއީ އަމިއްލަ ނަފްސަށް އިތުރު ހިތްވަރެއްދީ، އަޅުކަމުގައި ސާބިތުވެ ހުންނަން ލިބޭ ބޮޑު ބާރެކެވެ.
- އަޅުކަމުގެ މިންވަރަށް ބަދަލުވާ "އަމިއްލަ ކެރެކްޓާ"
އެޕްގެ ސެޓިންގްސްއިން ތިމާ ބޭނުންވާ ގޮތަށް ކެރެކްޓާ (ފިރިހެން ނުވަތަ އަންހެން) ޚިޔާރުކޮށްލެވެއެވެ. އެންމެ ޝައުގުވެރި ކަމަކީ، ތިބާ އަޅުކަންތައް ފުރިހަމަކުރާ މިންވަރަށް ބަލާފައި، އެ ކެރެކްޓާގެ މޫޑާއި ހުންނަ ސިފަ ބަދަލުވަމުންދާނެއެވެ. ގަވާއިދުން އަޅުކަން ކުރާނަމަ ކެރެކްޓާ ފެންނާނީ އުފާވެރިކޮށެވެ.
- ދަތުރުވެރިންނަށް ޚާއްޞަ "ޕޯސް" ފުރުޞަތު!
އާންމުކޮށް މިފަދަ އެޕްތަކުގައި އެއް ދުވަހު އަޅުކަމެއް ރިކޯޑް ނުކުރެވިއްޖެ ނަމަ، ކުރިން ހޯދި ހުރިހާ ކުރިއެރުމެއް (ސްޓްރީކް) ގެއްލި ބޭކާރުވެއެވެ. ނަމަވެސް، މި އެޕްގައި ދަތުރުމަތީގައި ނުވަތަ މަޖުބޫރު ޙާލަތެއް ދިމާވާ ވަގުތުތަކުގައި ކުރިއެރުންތައް ގެއްލުނަނުދީ "ޕޯސް" ކޮށްލުމުގެ ރީތި ފުރުޞަތު ލިބިގެންދެއެވެ.
އިރާދަކުރެއްވިއްޔާ އައިފޯނުތަކަށް ވެސް މި އެޕް ވަރަށް އަވަހަށް ލިބޭނެ ގޮތް ހައްދަވައިދެއްވާނެ ކަމަށް، ޑިވެލޮޕަރު އިބްރާހީމް ޒާހިރު ވިދާޅުވިއެވެ.
