ދާޚިލީ ހަނގުރާމައިގެ ސަބަބުން ސުންނާފަތިވެފައިވާ ޔަމަނުގެ އިންސާނީ ހާލަތު ކުރިއަށް އޮތް ތަނުގައި "މާ ބޮޑަށް ވެސް ކާރިސީ" ހާލަތަކަށް ވެއްޓިގެން ހިނގައިދާނެ ކަމަށް އދ. ގެ ވޯލްޑް ފުޑް ޕްރޮގްރާމް (ޑަބްލިއު.އެފް.ޕީ) އިން އިންޒާރު ދީފިއެވެ.
ޑަބްލިއު.އެފް.ޕީ އިން މި އިންޒާރު ދީފައިވަނީ ޔަމަނަށް ބޭނުންވާ އިންސާނީ އެހީ ފޯރުކޮށްދިނުމުގައި ބޮޑެތި ގޮންޖެހުންތަކެއް ކުރިމަތިވެ، ކާބޯތަކެތީގެ ރައްކާތެރިކަން ކަށަވަރު ކުރުމަށް ބޭނުންވާ ފައިސާ ނުލިބި އެހީގެ ޕްރޮގްރާމްތައް މަދުކުރަން ޖެހިފައިވާ ދަނޑިވަޅެއްގައެވެ.
Advertisement
ހަނގުރާމައިގެ ސަބަބުން ހާލުގައި ޖެހިފައިވާ ޔަމަނުގެ ކުޛަކުދިންނަށް ޕޯލިއޯ ވެކްސިން ދެނީ / ފޮޓޯ: ޑަބްލިޔޫ.އެޗް.އޯ
އދ. ގެ ކާބޯތަކެއްޗާ ބެހޭ އިދާރާއިން ފާހަގަކުރި ގޮތުގައި، ޔަމަނުގެ މިލިއަނަކަށް ވުރެ ގިނަ ރައްޔިތުން މިހާރުވެސް ތިބީ ބަނޑުހައިހޫނުކަމުގެ ދައްޗާ ކުރިމަތިލާން ޖެހިފައެވެ. އަދި ބައިނަލްއަޤްވާމީ މުޖުތަމައުގެ މާލީ އެހީތެރިކަން އަވަސް ފުރުސަތެއްގައި ނުލިބިއްޖެނަމަ، އެތައް ހާސް އާއިލާއަކަށް ކާބޯތަކެތި ފޯރުކޮށްދިނުން މުޅިން ހުއްޓުމަކަށް އަތުވެދާނެ ކަމުގެ ބިރު ވަނީ ހީވެފައެވެ.
ޔަމަނުގައި އަހަރުތަކަކަށް ދެމިގެން ގޮސްފައިވާ ހަނގުރާމައިގެ އިތުރުން، އިގްތިސާދީ އަޑިގުޑަންތަކާއި މޫސުމީ ބަދަލުތަކުގެ ސަބަބުން އާންމު ރައްޔިތުންގެ ދިރިއުޅުން ވަނީ ނިކަމެތިވެފައެވެ. ވަކިން ހާއްސަކޮށް، ކުޑަކުދިންނާއި މާބަނޑު އަންހެނުން ކާނާ ނުލިބުމުގެ ސަބަބުން ބަލިމަޑުކަމުގެ ތެރެއަށް ވެއްޓެމުންދާ ކަމަށް އެ ޖަމާއަތުން ބުނެއެވެ.
ޑަބްލިއު.އެފް.ޕީ އިން ވަނީ، އިންސާނީ އެހީތެރިކަން ފޯރުކޮށްދިނުމަށް ހުރި ހުރަސްތައް ނައްތާލައި، މި ނުރައްކާތެރި ކާރިސާއިން ޔަމަނުގެ ރައްޔިތުން ސަލާމަތް ކުރުމަށްޓަކައި އަވަސް ފިޔަވަޅުތަކެއް އެޅުމަށް ބައިނަލްއަޤްވާމީ ފަރާތްތަކަށް ގޮވާލާފައެވެ. ޔަމަނުގެ މަސްރަހު އިތުރަށް ގޯސްވަމުންދާއިރު، ސަރަހައްދީ ހަމަނުޖެހުންތަކުގެ އަސަރު ވެސް އެގައުމުގެ ހާލަތަށް އިތުރަށް ދަނީ ފޯރަމުންނެވެ.
