ޢިރާޤާއި ތުރުކީވިލާތާ ދެމެދު ހަކަތައިގެ ދާއިރާއިން ގުޅުން ބަދަހިކުރުމުގެ ގޮތުން، ތެލާއި ގޭހުގެ ދާއިރާއިން ދިގު މުއްދަތުގެ އޮނިގަނޑު އެއްބަސްވުމެއް (ފްރޭމްވޯކް އެގްރީމެންޓް) އެކުލަވާލުމުގެ ރަސްމީ މަޝްވަރާތައް ފަށައިފިއެވެ.
މި މަޝްވަރާތައް ފަށާފައިވަނީ ދެ ޤައުމުގެ މަތީ ފަންތީގެ ވަފުދުތަކުގެ މެދުގައި ބޭއްވުނު ބައްދަލުވުންތަކަށް ފަހުގައެވެ. މި ބައްދަލުވުންތަކުގެ މައިގަނޑު ބޭނުމަކީ ދެ ޤައުމުގެ ދެމެދުގައި ހަކަތައިގެ ވިޔަފާރި އިތުރަށް ފުޅާކުރުމާއި، ސަރަޙައްދީ ހަމަޖެހުމާއި އިޤްތިޞާދީ ގުޅުންތައް ހަރުދަނާކުރުމެވެ.
ހުރްމުޒް ކަނޑުއޮޅީގައި ހިނގަމުންދާ ހަމަނުޖެހުންތަކާ ހުރެ އިރާގުން ބޭރުކުރާ ތެލަށް ބުރޫއެރުމުން، އޮގަސްޓް 1 ގައި ދެ ގައުމުން ވަނީ 1 އަހަރުގެ ވަގުތީ އެއްބަސްވުމެއްގާ ސޮއިކޮށްފައެވެ. މި އެއްބަސްވުމުގެ ދަށުން ކިރްކުކް-ޖޭހާން ހޮޅިން ދުވާލަކު 750,000 ފީފާގެ ތެޔޮ ތުރުކީގެ ބަނދަރަށް ފޮނުވަން ވަނީ ނިންމާފައެވެ.
Advertisement
މިހާރު ފަށާފައިވާ މަޝްވަރާތަކަކީ ތެލާއި، ގޭހާއި، އަދި ޕެޓްރޯކެމިކަލްސްގެ ދާއިރާއިން ދިގު މުއްދަތުގެ ބޮޑު ޕާޓްނަޝިޕެއް ގާއިމްކުރުމުގެ މަގުޗާޓެއް އެކުލަވާލުމެވެ.
ތުރްކިޔޭ އާއި ޢިރާޤުގެ ޕްލޭނަކީ މިހާރު އޮތް ހޮޅި އިރާގުގެ ދެކުނުގައި އޮންނަ ބަސްރާ ޕްރޮވިންސާ ހަމައަށް ދިގުކޮށް، ގަލްފު ސަރަހައްދަށް ބަރޯސާނުވެ ތެޔޮ ބޭރުކުރެވޭނެ ގޮތެއް ހޯދުމެވެ.
