އީރާނުގެ ހަނގުރާމައާ ގުޅިގެން މެދުއިރުމަތީގެ މަސްރަހު ގޯސްވެ، ތެލުގެ ދަތިކަން ކުރިމަތިވެފައިވާ މި ދަނޑިވަޅުގައި، އެމެރިކާއަށް ޑީސަލް ފޯރުކޮށްދިނުމަށް ރައީސް ޑޮނަލްޑް ޓްރަމްޕް އެދިވަޑައިގެންނެވި އެދިވަޑައިގަތުމަށް ޔޫރަޕިއަން ޔޫނިއަން (އީޔޫ) އިން ދެކޮޅުހަދައިފިއެވެ.
އަލްޖަޒީރާއިން ރިޕޯޓްކޮށްފައިވާ ގޮތުގައި، ހުރްމޫޒް ކަނޑުއޮޅިން ދަތުރުކުރި ތެޔޮ ޓޭންކަރަކަށް ހަމަލާދިނުމާ ގުޅިގެންނާއި މެދުއިރުމައްޗަށް އެމެރިކާގެ 2،000 މެރީނުން ފޮނުވުމާ ގުޅިގެން ސަރަޙައްދީ ނުތަނަވަސްކަން ވަނީ އިންތިހާއަށް ބޮޑުވެފައެވެ. މި ހަމަނުޖެހުންތަކުގެ ސަބަބުން ދުނިޔޭގެ ބާޒާރުގައި ތެލުގެ އަގު އުފުލި، ހަކަތައިގެ ދަތިކަން ވަނީ ކުރިމަތިވާން ފަށާފައެވެ.
އެމެރިކާގެ ބޭނުންތަކަށް ޔޫރަޕުން ޑީސަލް ފޯރުކޮށްދިނުމަށް ޓްރަމްޕް ގޮވާލެއްވި ނަމަވެސް، އީޔޫގެ އިސް އޮފިޝަލުން ވަނީ އެކަމަށް އިންކާރުކުރައްވާފައެވެ. އީޔޫ އިން ހާމަކުރި ގޮތުގައި މި ވަގުތަކީ މުޅި ދުނިޔެއަށްވެސް ހަކަތައިގެ ދަތިކަން ކުރިމަތިވެފައިވާ ދަނޑިވަޅަކަށް ވާތީ، ޔޫރަޕްގެ ޤައުމުތަކުގެ އެތެރޭގެ ބޭނުންތަކާއި ރައްކާތެރިކަމަށް އިސްކަންދޭން ޖެހެއެވެ. އަދި ޔޫރަޕްގެ އަމިއްލަ ރިޒާވް ދަށްވަމުންދާ މިދަނޑިވަޅުގައި އެހެން ޤައުމުތަކަށް ބޭރުކުރާނެ އިތުރު ޑީސަލްގެ ސްޓޮކެއް ނެތް ކަމަށްވެސް އީޔޫގެ މަސްދަރުތަކުން ބުނެއެވެ.
Advertisement
މެދުއިރުމަތީގެ ހަނގުރާމަ ފުޅާވަމުންދާއިރު، ހަކަތައިގެ ރައްކާތެރިކަން ކަށަވަރުކުރުމަކީ ބައިނަލްއަޤްވާމީ ފެންވަރުގައި ބޮޑު ގޮންޖެހުމަކަށް ވެފައިވާ ކަމަށް މުރާސިލުން ފާހަގަކުރެއެވެ.
