އީރާނަށް އެމެރިކާއިން ހަމަލާދީފާނެ ކަމުގެ އިންޒާރު ޓްރަމްޕް ދެއްވައިފި

އީރާނަށް އަސްކަރީ ހަމަލާއެއް ދިނުމުގެ ފުރުސަތު އެބައޮތް ކަމަށް އިޝާރާތް ކުރައްވައި، އެކަމުގެ ވަގުތު ކައިރިވަމުން އަންނަ ކަމުގެ އިންޒާރު އެމެރިކާގެ ރައީސް ޑޮނަލްޑް ޓްރަމްޕް،

ދެއްވައިފިއެވެ.

ޓްރަމްޕް މިފަދައިން ވިދާޅުވީ މެދުއިރުމަތީގެ މަސްރަހު ނުހަނު ބޮޑަށް ހޫނުވެފައިވާ ދަނޑިވަޅެއްގައެވެ. ޓްރަމްޕްގެ ވާހަކަފުޅުގައި، އީރާނުގެ ފަރާތުން ފެންނަމުންދާ ހަރަކާތްތަކުގެ ސަބަބުން އެމެރިކާއިން ވަރުގަދަ ފިޔަވަޅުތަކެއް އަޅަންޖެހިދާނެ ކަމަށާއި، އެކަމަށް އެމެރިކާ އޮތީ ތައްޔާރަށް ކަމަށް ވަނީ ވިދާޅުވެފައެވެ.

އީރާނާއި އެމެރިކާއާ ދެމެދު އޮތް ނުތަނަވަސްކަން އިތުރުވެފައިވަނީ، އިސްރާއީލުން ފަލަސްތީނުގެ ޣައްޒާއަށާއި ލުބުނާނަށް ދެމުންދާ ލާއިންސާނީ ހަމަލާތަކާ ގުޅިގެން ސަރަހައްދީ ހަމަޖެހުން ގެއްލިފައިވާ ދަނޑިވަޅެއްގައެވެ. އީރާނުން މީގެކުރިން އިސްރާއީލަށް އަމާޒުކޮށް ވަރުގަދަ މިސައިލް ހަމަލާތަކެއް ދީފައިވާއިރު، އެމެރިކާއިން ދަނީ އިސްރާއީލުގެ ދިފާއުގައި ފާޅުގައި ތެދުވަމުންނެވެ. މިއަދަކީ އީރާނުން އިސްރާއީލަށް ހަމަލާދީ ކުޑަކަކުލަށް އިސްރާއީލް ތިރިކޮށްލިތާ ދެއަހަރު ފުރޭ ދުވަހެވެ.

ޓްރަމްޕް އިތުރަށް ވިދާޅުވީ، އީރާނުގެ ނިއުކްލިއާ މަރުކަޒުތަކަށް ނުވަތަ އަސްކަރީ މުހިންމު ތަންތަނަށް ހަމަލާދިނުމަކީ ވިސްނަންޖެހޭ ކަމެއް ކަމަށެވެ. އަދި މިހާރު ހިނގަމުންދާ ކަންކަމަށް ބަލާއިރު، އެމެރިކާއިން ފިޔަވަޅު އަޅަންޖެހޭ ވަގުތު އަންނަނީ ކަމަށްވެސް އޭނާ ފާހަގަކުރެއްވިއެވެ.