އިސްރާއީލަށް ދަތުރުކުރަމުންދިޔަ ފްލައި ދުބާއީގެ އެފް.ޒެޑް 1073 މަތިންދާބޯޓު ގަސްދުގައި ވައްޓާލަން އޭގެ ޕައިލެޓަކު މަސައްކަތްކޮށްފައިވާ ކަމަށް ބެލެވޭ ކަމަށް އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ބުނެފިއެވެ.
މި ހާދިސާއާ ގުޅޭގޮތުން ވާހަކަދައްކަމުން ނަތަންޔާހޫ ބުނީ، ދުބާއީން ފުރައިގެން އިސްރާއީލުގެ ވެރިރަށް ތެލް އަވީވަށް މިއަދު ދަތުރުކުރަމުންދިޔަ ފްލައިޓެއްގެ ކޮކްޕިޓްގައި ހުރި ޕައިލެޓަކު، ބޯޓު ވައްޓާލުމަށް މަސައްކަތްކުރި ކަމުގެ ތުހުމަތު ކުރެވޭ ކަމަށެވެ. އަދި މިކަމަކީ ފްލައިޓުގައި ތިބި އެތައް ބައެއްގެ ފުރާނައަށް ނުރައްކާވާ ފަދަ ނުރައްކާތެރި އަމަލެއްގެ ގޮތުގައި އޭނާ ސިފަކުރިއެވެ.
މި މައްސަލައާ ގުޅިގެން ކަމާބެހޭ އިދާރާތަކުން މިހާރު ދަނީ ހާދިސާ ހިނގަން މެދުވެރިވި ސަބަބާއި، ޕައިލެޓުގެ މި އަމަލުގެ ފަހަތުގައިވާ މަގުސަދު ދެނެގަތުމަށް ތަހުގީގު ހިންގަމުންނެވެ. އެހެންނަމަވެސް، މި ހާދިސާއާ ގުޅޭ އިތުރު ތަފުސީލު އަދި އެއާލައިނުން ރަސްމީކޮށް ހާމަކޮށްފައެއް ނުވެއެވެ.
Advertisement
މި ހާދިސާ ހިނގާފައިވަނީ ފްލައި ދުބާއީގެ ފުލައިޓް ދަތުރުކުރަމުން ދަނިކޮށް ދަތުރުގެ ވަކި ހިސާބަކުން ކަމަށާއި، ނަމަވެސް ބޯޓުގެ ކޮންޓްރޯލް އަވަސް ފިޔަވަޅުތަކެއް އަޅައިގެން އަނބުރާ ހޯދައި، ބޯޓު ވަނީ ސަލާމަތްތެރިކަމާއެކު އެންމެ ކައިރީގައިވާ ސައޫދީގެ އެއާޕޯޓަކަށް ޖައްސާފައި ކަމަށް މައުލޫމާތު ލިބެއެވެ. މި ހާދިސާގައި ބޯޓުން ދަތުރުކުރި އެއްވެސް ފަސިންޖަރަކަށް އަދި ފަޅުވެރިއަކަށްވެސް ގެއްލުމެއް ލިބިފައެއް ނުވެއެވެ.
