ޣައްޒާގައި ގިނަ ޢަދަދެއްގެ ކުޑަކުދިންތަކެއް ތިބި ޢިމާރާތަކަށް ބޮން އަޅައި، ގިނަބަޔަކު ޒަޚަމްކޮށްލައިފި

ޣައްޒާ ސިޓީގެ ހުޅަނގުގައިވާ އަލްނަޞްރު އަވަށުގައި ގިނަ ޢަދަދެއްގެ ކުޑަކުދިން ދިރިއުޅެމުން ދިޔަ އެޕާޓްމަންޓަކަށް އިސްރާއީލުން ޙަމަލާ ދީފިއެވެ. ޒައެނިސްޓުން ދިން ވައިގެ ހަމަލާގައި އާންމުންގެ އެކަކު ޝަހީދުވެ، ކުޑަކުދިން ހިމެނޭހެން އެތައް ބަޔަކު ވަނީ ޒަޚަމް ވެފައި ކަމަށް ހަބަރު ލިބެއެވެ.

މި ހަމަލާ އަމާޒުވެފައިވަނީ ކުޑަކުދިންގެ އިތުރުނަ އާންމު ރައްޔިތުންނާއި ހާލުގައި ޖެހިފައިވާ އާއިލާތައް ދިރިއުޅެމުންދިޔަ އިމާރާތަކަށެވެ.

އަލްޝިފާ ހޮސްޕިޓަލުގެ މަސްދަރުތަކުން ކަށަވަރުކޮށްދޭ ގޮތުގައި، މި ހަމަލާގައި އަނިޔާވި މީހުންނާއި ޝަހީދުވި މީހާގެ ހަށިގަނޑު މިހާރު ވަނީ ހޮސްޕިޓަލަށް ގެންގޮސްފައެވެ.

މަސްދަރުތައް ބުނާ ގޮތުގައި ޒަޚަމްވި މީހުންގެ ތެރޭގައި ގިނަ އަދަދެއްގެ ކުޑަކުދިން ހިމެނޭއިރު، އޭގެ ތެރެއިން ބައެއް ކުދިންގެ ހާލު ސީރިއަސް އެވެ.