އޮގަސްޓުމަހުގެ 30ގެ ނިޔަލަށް 1.4 މިލިއަންނަށްވުރެ ގިނަ ފަތުރުވެރިން ރާއްޖެ އައިސްފިއެވެ. މީގެތެރެއިން އެންމެ ގިނައިން ރާއްޖެއަށް ޒިޔާރަތްކޮށްފައި ވަނީ ޗައިނާ، ރުސީވިލާތް އަދި އިނގިރޭސިވިލާތުގެ ފަތުރުވެރިކަން ފަތުރުވެރިކަމާ ބެހޭ ވުޒާރާގެ މިދިޔަ މަހުގެ ތަފާސްހިސާބުތަކުން ދައްކައިފިއެވެ.

ތަފާސްހިސާބުތަކުން ދައްކާގޮތުން އޮގަސްޓު މަހުގެ 30 ވަނަ ދުވަހާ ހަމައަށް ރާއްޖެއަށް ވަނީ 1،446،440 ފަތުރުވެރިން ޒިޔާރަތްކޮށްފައެވެ. އޮގަސްޓުމަހު އެކަނިވެސް 191،783 ފަތުރުވެރިން ޒިޔާރަތްކޮށްފިއެވެ. މިއީ މިއަހަރުގެ ޖުލައި މަހު ރާއްޖެއަށް ޒިޔާރަތްކޮށްފައިވާ ފަތުރުވެރިންގެ އަދަދާ އަޅާބަލާއިރު 4.7% އިތުރުވުމެކެވެ. މީގެއިތުރުން، މިދިޔަ އަހަރުގެ އޮގަސްޓުމަހު ރާއްޖެއަށް ޒިޔާރަތްކޮށްފައިވާ ފަތުރުވެރިންގެ އަދަދާ އަޅާ ބަލާއިރު މިއީ 2.1% އިތުރު އަދަދެކެވެ

މިއަހަރު އެންމެ ގިނަ އަދަދެއްގެ ފަތުރުވެރިން ރާއްޖެއަށް ޒިޔާރަތްކޮށްފައި ވަނީ ފެބްރުވަރީމުހުގައެވެ. ރާއްޖެއަށް ފަތުރުވެރިން އަންނަ އަދަދު މިދިޔަ އަހަރާ އަޅާ ބަލާއިރު ދަށްވާން ފަށާފައިވަނީ މާރިޗުމަހުން ފެށިގެންނެވެ. މީގެ މައިގަނޑު ސަބަބަކީ މެދުއިރުމަތީގައި ހިނގަމުންދާ ހަނގުރާމައާއި ގުޅިގެން ދުނިޔޭގެ ވައިގެ ދަތުރުފަތުރަށް އައި ލޮޅުމުގެ ސަބަބުންނެވެ. އެހެންނަމަވެސް އޮގަސްޓު މަހު މިއަދަދު ވަނީ މަޑުމަޑުން އިތުރުވާންފަށާފައެވެ.

ރާއްޖެއައި ފަތުރުވެރިންގެ ތެރެއިން %.73.5 ފަތުރުވެރިން ޗުއްޓީ ހޭދަކޮށްފައިވަނީ ރިސޯޓްތަކުގައެވެ. ގެސްޓްހައުސްތަކުގައި %22.2 ފަތުރުވެރިން ވަނީ ޗުއްޓީ ހޭދަކޮށްފައެވެ.