މިހާރުގެ ސަރުކާރުގެ ސިޔާސަތުތަކަށް ވަރަށް ބޮޑަށް ފާޑުވިދާޅުވި ނަމަވެސް، އިދިކޮޅު އެމްޑީޕީގެ މައްޗަށް އަދިވެސް އިހުތިޔާރު ކުރައްވާނީ ރައީސް ޑރ. މުހައްމަދު މުއިއްޒު ކަމަށް ކުރީގެ ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.
ޔާމީން މިހެން ވިދާޅުވީ މިހާރުގެ ސަރުކާރުން ނިންމަމުންދާ ބައެއް ނިންމުންތަކާ މެދު ހިތްހަމަނުޖެހުން ފާޅުކުރައްވައި ދެއްކެވި ވާހަކަފުޅެއްގެ ތެރެއިންނެވެ. ސަރުކާރަށް ކިތަންމެ ފާޑުކިއުމެއް އަމާޒުކުރެއްވި ނަމަވެސް، ގައުމީ މަސްލަހަތު އިސްކުރުމުގައި އެމްޑީޕީއަށްވުރެ މިހާރުގެ ރައީސަށް ފުރުސަތު ދެއްވުން މާ ރަނގަޅުކަމަށް ޔާމީން ވަނީ ފާހަގަކުރައްވާފައެވެ.
ޔާމީން ވިދާޅުވި ގޮތުގައި، ނަމުން "ޑިމޮކްރެޓިކް" ޕާޓީއެއްގެ ގޮތުގައި އެމްޑީޕީ ހަރަކާތްތެރިވި ނަމަވެސް، އެއީ ފާޅުގައި ޑިމޮކްރަސީގެ ހުރިހާ އަސާސްތަކަށް އަރައިގަންނަމުންދާ ޕާޓީއެކެވެ. އެމްޑީޕީގެ ސިޔާސީ ހަރަކާތްތަކާއި ވިސްނުންތަކަކީ ގައުމުގެ ހަމަޖެހުމާއި ޑިމޮކްރެޓިކް އުސޫލުތަކާ ޚިލާފު ކަންތައްތަކެއްގެ ގޮތުގައި ޔާމީން ސިފަކުރެއްވިއެވެ.
Advertisement
އެހެންކަމުން ސިޔާސީ ގޮތުން ކިތަންމެ ބޮޑު ޚިޔާލުތަފާތުވުންތަކެއް ހުރި ނަމަވެސް، އެމްޑީޕީގެ ފިކުރަށްވުރެ ރައީސް މުއިއްޒުގެ ސަރުކާރުގެ ވިސްނުން ގައުމަށް މާ ފައިދާހުރި ކަމަށް ޔާމީން ގަބޫލުކުރައްވައެވެ.
