އަރްޖެންޓީނާގެ ރައީސް ހާވިއޭ މައިލީއަކީ "ތެދުވެރި ރަހުމަތްތެރިއެއް" ކަމަށް ސިފަކޮށް، ވޯލްޑް ކަޕް ފައިނަލްގައި އަރްޖެންޓީނާއަށް ސަޕޯޓުކުރާނެ ކަމަށް ޔަހޫދީ މުސްލިމުންގެ ލޭ ބޮމުންދާ އަނިޔާވެރި ޔަހޫދީ ނަތަންޏާހޫ ބުނެފިއެވެ.
މިދިޔަ ހޮނިހިރު ދުވަހު އިސްރާއީލަށް ކަނޑައަޅާފައި ހުންނަ އަރްޖެންޓީނާގެ ސަފީރު ރައްބީ ޝިމޮން އެކްސެލް ވަޖްނިސްއާ ބައްދަލުކޮށް، ނަތަންޔާހޫ ވަނީ ރައީސް މައިލީއަށް ހާއްސަ މެސެޖެއް ފޮނުވާފައެވެ. މިރޭ އޮންނަ ވޯލްޑް ކަޕް ފައިނަލާ ދިމާކޮށް ނަތަންޔާހޫ ބުނީ، ގިނަ ގޮތްގޮތުން އިސްރާއީލުން އަރްޖެންޓީނާއަށް ތާއީދުކުރާ ކަމަށާއި، ފައިނަލް މެޗުގައިވެސް އެ ގައުމަށް ކާމިޔާބީއަށް އެދޭ ކަމަށެވެ.
ސަފީރު ވަޖްނިސް ވަނީ ރައީސް މައިލީގެ ފަރާތުން ނަތަންޔާހޫއަށް ހެޔޮއެދުންތައް ފޮނުވާފައެވެ.
Advertisement
"ތިއީ އަހަރެންގެ ރަހުމަތްތެރިއެއް، އަދި އަބަދުވެސް އަޅުގަނޑުމެންނަށް ތާއީދުކުރައްވާ ބޭފުޅެއް. އަޅުގަނޑާ ހެދި ތިޔަބޭފުޅާ އަރްޖެންޓީނާއަށް ސަޕޯޓްކުރައްވާތީ އުފާކުރަން،"
މައިލީ ބުނި ކަމަށް ސަފީރު ފާހަގަކުރި.
2023 ވަނަ އަހަރުގެ ޑިސެމްބަރު މަހު ވެރިކަމާ ހަވާލުވުމަށްފަހު، މައިލީ ވަނީ އިސްރާއީލަކީ އަރްޖެންޓީނާގެ "ސްޓްރެޓީޖިކް ބައިވެރިއެއް" ކަމަށް ކަނޑައަޅައި، އެ ގައުމުގެ ހާރިޖީ ސިޔާސަތުގެ އެންމެ މުހިންމު އެއް ތަނބަކަށް އިސްރާއީލު ހަދާފައެވެ. މައިލީ ވަނީ މިހާތަނަށް ތިން މިއަހަރުގެ އޭޕްރީލް މަހު ކުރެއްވި ދަތުރުފުޅުގައި ވަނީ އާޓިފިޝަލް އިންޓެލިޖެންސްގެ ދާއިރާއިން އެއްބާރުލުން ދިނުމުގެ އެއްބަސްވުމެއްގައި ސޮއިކުރައްވާފައެވެ.
ކެތޮލިކް އާއިލާއަކަށް އުފަންވި ނަމަވެސް، މައިލީ ދަނީ ޔަހޫދީ ދީނަށް ވަރަށް ބޮޑަށް ޝައުގުވެރިކަން ފާޅުކުރައްވަމުންނެވެ. އޭނާ ވަނީ ޔަހޫދީ ދީނަށް ބަދަލުވުމުގެ ޝައުގުވެރިކަން ހުރިކަންވެސް ހާމަކުރައްވާފައެވެ. މީގެ އިތުރުން، ބައިނަލްއަގުވާމީ މައިދާންތަކުގައި އިސްރާއީލުގެ އަސްކަރީ ހަރަކާތްތަކަށް މައިލީ ދަނީ ފާޅުގައި ވަކާލާތު ކުރަމުންނެވެ.
އިސްރާއީލާއި ލެޓިން އެމެރިކާގެ ގައުމުތަކުގެ ގުޅުން ބަދަހިކުރުމަށްޓަކައި، މައިލީއަށް ލިބުނު "ޖެނެސިސް ޕްރައިޒް" ގެ އިނާމު ފައިސާ ބޭނުންކޮށްގެން 1 މިލިއަން ޑޮލަރުގެ "އައިޒަކް އެކޯޑްސް" އިނީޝިއޭޓިވްއެއްވެސް ވަނީ އިފްތިތާހުކޮށްފައެވެ. ނަތަންޔާހޫ ވަނީ މައިލީގެ އިގްތިސާދީ ސިޔާސަތުތަކަށްވެސް ވަރަށް ބޮޑަށް ތައުރީފު ކޮށްފައެވެ.
