ދިވެހިރާއްޖޭގެ ފުޓްސަލްގެ ރޫހު ގަދަ، ތިމަރަފުށީގައި ސަރުކާރުން ތަރައްޤީކުރި އާ ފުޓްސަލް ދަނޑު ރަސްމީކޮށް ހުޅުވައިފިއެވެ. މި ދަނޑު ހުޅުއްވައިދެއްވީ ސްޕޯޓްސް މިނިސްޓަރު ޢަބްދުﷲ ރާފިޢުއެވެ.

މި ފުޓްސަލް ދަނޑަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިދިޔަ އަހަރު ތިމަރަފުއްޓަށް ކުރެއްވި ޒިޔާރަތުގެ ތެރެއިން ބިންގާ އަޅުއްވައިދެއްވި މަޝްރޫޢެކެވެ. ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އާ ހަވާލުކޮށްގެން ކުރިއަށްގެންދިޔަ މި މަޝްރޫޢަކީ ތިމަރަފުށީގެ ޒުވާނުން ގިނަ ދުވަސްތަކެއް ވަންދެން ދެކެމުން އައި ހުވަފެނެއް ހަގީގަތަކަށް ވެގެންދިޔަ ކަމެކެވެ.

ތިމަރަފުއްޓަކީ ދިވެހިރާއްޖޭގެ ފުޓްސަލްގައި ފާހަގަކޮށްލެވޭ ފަދަ ބޮޑެތި ކާމިޔާބީތަކެއް ހޯދައި، ރާއްޖޭގެ ފެންވަރުގައި މަޝްހޫރު ގިނަ ކުޅުންތެރިންތަކެއް އުފެދިފައިވާ ރަށެކެވެ. ސަރުކާރުން މި ރަށުގައި ޤާއިމްކުރި ޒަމާނީ ފުޓްސަލް ދަނޑާއެކު، ރަށުގެ ޒުވާނުންނަށް ކުޅިވަރުގެ ދާއިރާއިން އިތުރު ފުރުސަތުތަކެއް ހުޅުވި، ހުނަރުވެރި އާ ކުޅުންތެރިން އުފެދުމަށް މަގުފަހިވެގެންދާނެ އެވެ.

މި ދަނޑު ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރު ރާފިޢު ވަނީ، ޒުވާނުންގެ ކުރިއެރުމާއި ކުޅިވަރުގެ އުމްރާނީ ތަރައްޤީއަށް ސަރުކާރުން ދެއްވާ އަހައްމިއްޔަތު ފާހަގަކުރައްވާފައެވެ.