މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (ވިޒިޓް މޯލްޑިވްސް) ގެ ޑިރެކްޓަރުންގެ ބޯޑަށް ބަދަލުތަކެއް ގެނެސް، ހަތަރު މެމްބަރަކު އައްޔަނުކޮށްފި އެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މި ބަދަލުތައް ގެނެސްފައިވަނީ މިއަދު އެވެ. ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން ކުންފުނިތަކުގެ ހިންގުން ހަރުދަނާކުރުމަށް ކުރަމުންދާ މަސައްކަތުގެ ދަށުން ގެނައި މި ބަދަލުތަކާއެކު، ބޯޑަށް އަލަށް އައްޔަނުކުރި މެމްބަރުންނަކީ:

1. އާއިޝަތު ޢަލީ – މ. ވާރޭވިލާ
2. ޢަލީ ޝިނާން – މއ. ރިހިރާޅު
3. ހުދާ ފަހީމް – ވިލަރެސް / ކ. ތުލުސްދޫ
4. އިއިޝަތު މަލްހާ – ރަސްވެލި / ރ. ރަސްގެތީމު

މި ބަދަލުތަކާއެކު، ވިޒިޓް މޯލްޑިވްސްގެ ބޯޑުގައި ކުރިން ތިއްބެވި ތިން މެމްބަރަކު ވަނީ މަގާމުން ވަކިވެފައެވެ. އެއީ:

1. ޢަބްދުއްސަމީޢު ޢިމާދު – އައްސޭރި / އއ. އުކުޅަސް
2. ޢައިޝަތު ޙަމީދު – ދަފްތަރު ނަންބަރު ރސ 12480
3. ސަބީހާ އަހްމަދު – ތާރީފް / ބ. އޭދަފުށި

ވިޒިޓް މޯލްޑިވްސްއަކީ ރާއްޖޭގެ ފަތުރުވެރިކަން އިޝްތިހާރުކުރުމުގެ އެންމެ އިސް ޒިންމާ އުފުލާ ސަރުކާރުގެ ކުންފުންޏެވެ. މި ބޯޑަށް ގެނެވުނު ބަދަލުތަކާއެކު، ރާއްޖޭގެ ފަތުރުވެރިކަން ދުނިޔޭގެ ބާޒާރުގައި އިތުރަށް ފުޅާކޮށް، ސަރުކާރުގެ ސިޔާސަތުތައް ތަންފީޒުކުރުމުގެ މަސައްކަތް ހަލުވިވެގެންދިޔުމަކީ ސަރުކާރުގެ އަދި ރައީސް މުއިއްޒުގެ އަމާޒެވެ.