އެމެރިކާ އާއި އީރާނާއި ދެމެދު ހަމަލާ ބަދަލު ކުރުން ހުއްޓާލުމަށް އެއްބަސް ވުމާއި ގުޅިގެން، ސްޕެއިން އިން އީރާނުގެ ވެރިރަށް ތެހެރާނުގައި ހުންނަ އެ ގައުމުގެ އެމްބަސީ އަލުން ހުޅުވައިފިއެވެ.
ސްޕެއިން އަކީ ތާރީޚީ ގޮތުންނާއި ސިޔާސީ ގޮތުން އެމެރިކާ އާއކ ގާތް ގުޅުމެއް ބާއްވާ ގައުމަކަށް ވީ ނަމަވެސް، ފަހަކަށް އައިސް އެ ގައުމުން އަންނަނީ މިނިވަން ޚާރިޖީ ސިޔާސަތެއް ގެންގުޅެމުންނެވެ.
ޚާއްޞަކޮށް އިޒުރޭލާއި ފަލަސްތީނުގެ މައްސަލައިގައި ސްޕެއިން އިން ގެންގުޅޭ ހަރުދަނާ ސިޔާސަތުގެ ސަބަބުން، އެ ގައުމަކީ ބައިނަލްއަގުވާމީ ގާނޫނުތަކަށް އިހުތިރާމްކުރާ ގައުމެއްގެ ގޮތުގައި ވަނީ ފާހަގަ ކުރެވިފައެވެ.
ސްޕެއިނުން އެންމެ ފުރަތަމަ އީރާނުގައި ގާއިމުވާން ފެށީ 1950 ގައެވެ. އޭގެފަހުން އީރާނުގެ އިންގިލާބުގެ ދުވަސްވަރު 1979 ވަނަ އަހަރު ވަގުތީ ގޮތުން އެމްބަސީ ބަންދު ކުރިއެވެ. އެއަށް ފަހު ދެން ހުޅުވީ 1980 ގައެވެ. އޭގެ ފަހުން 2000 ވަނަ އަހަރާއި ހަމަޔަށް މެދުކެނޑުމެއް ނެތި އެމްބަސީގެ ޚިދުމަތް ލިބެމުން ދިޔައެވެ.
މިފަހަރު ސްޕޭނުން އެ އެމްބަސީ ބަންދު ކުރީ ހުސްވި މާރިޗު މަހުގެ 7 ވަނަ ދުވަހުއެވެ. ނަމަވެސް، ހަނގުރާމަ ހުއްޓާލައި ސަލާމަތީ ހާލަތު ރަނގަޅު ވުމާއި އެކު، ތެހެރާނުގައި އަލުން ޑިޕްލޮމެޓިކް މަސައްކަތް ފަށަން ސްޕޭނުން ނިންމީ ކަމަށް އެ ޤައުމުން ބުނެއެވެ.
