މެދުއިރުމަތީގައި ކުރަމުންދާ ހަނގުރާމަ ހުއްޓާލަން އީރާނުން ކަނޑައެޅި ހަރުކަށި ޝަރުޠު ތަކުގެ ތެރޭގައި އެ ސަރަޙައްދުގައި ތިބި އެމެރިކާގެ އަސްކަރީ ސިފައިން އެ ސަރަޙައްދު ދޫކޮށް ދިޔުމަށް އީރާނުން އެދިއްޖެއެވެ.
އީރާނުން މުޅި އެކު މައިގަނޑު 10 ޝަރުޠެއް ހުށަހެޅިއެވެ.
އެއީ؛
ފުރަތަމަ ކަމަކަށް، ކުރިއަށް އޮތްތަނުގައި އެމެރިކާ އިންނާއި އެމެރިކާގެ އެކުވެރި އެއްވެސް ޤައުމަކުން އީރާނަށް ހަމަލާއެއް ނުދޭނެ ކަމުގެ ޔަޤީންކަން ދިނުން،
2. ހުރުމުޒު ކަނޑުއޮޅި އީރާނުން ކޮންޓްރޯލްކުރުން
އީރާނުން ބުނީ ހުރްމުޒްގެ ފުރިހަމަ ކޮންޓްރޯލާއި ކޯޑިނޭޝަން އޮންނަން ވާނީ ހަމައެކަނި އީރާނުގެ އަތުގައި ކަމަށެވެ.
3. ޔޫރޭނިއަމް މުއްސަނދިކުރުން ބަލައިގަތުން
އީރާނުގެ ނިއުކްލިއަރ މުއްސަނދިކުރުމުގެ ޕްރޮގްރާމް ބައިނަލްއަޤްވާމީ ގޮތުން ބަލައިގަންނަންޖެހޭ.
4. ހުރިހާ ދަތިކުރުމުގެ ފިޔަވަޅުތަކެއް އުވާލުން
އެމެރިކާ އިން އީރާނާއި ދެކޮޅަށް އަޅާފައިވާ ހުރިހާ ޕްރައިމަރީ އަދި ސެކަންޑަރީ ދަތިކުރުމުގެ ފިޔަވަޅުތައް އުވާލުން.
5. އދ އާއި ނިއުކްލިއާ ވޮޗްޑޮގްގެ އަމަލުތައް ނިންމާލުން
އީރާނުގެ ނިއުކްލިއާ ކަންކަމާއި ދެކޮޅަށް އދ. ގެ ވޮޗްޑޯގުން ބަލަމުންދާ ކަންކަން މުޅީން ނިމުމަކަށް ގެނެސް އީރާނަށް ފާރަލުން ހުއްޓާލުން.
6. ހަނގުރާމައިގެ ބަދަލު ދިނުން
އީރާނުން ޑިމާންޑް ކުރަނީ މިހާރު ހިނގަމުންދާ ހަނގުރާމައިގެ ސަބަބުން އެ ޤައުމަށް ލިބުނު ގެއްލުމުގެ ބަދަލު ދިނުމަށެވެ.
7. މެދުއިރުމަތީގައި ތިބި އެމެރިކާ ސިފައިން ބޭރުކުރުން
އެމެރިކާގެ ހުރިހާ އަސްކަރީ ސިފައިން މެދުއިރުމަތީ ސަރަހައްދު ދޫކޮށް ދާން ޖެހޭނެ ކަމަށް އީރާނުން ޝަތުޠު ކުރެއެވެ.
8. ހުރިހާ ޢަދާވާތްތެރިކަމެއް (ހުރިހާ ފަރާތްތަކަކަށް) ނިމުމަކަށް ގެނައުން
ލުބުނާނު އީރާނުގެ އެކުވެރި މިލިޝިއާތައް ހިމެނޭ ލުބުނާނުގެ ސަލާމަތަށް ގެއްލުން ދިނުން ނިމުމަކަށް ގެނެސް، ލުބުނާނުގެ ހަނގުރާމަ ހުއްޓާލުން.
9. ހިފެހެއްޓި އީރާނުގެ މުދަލާއި ފައިސާ ދޫކޮށްލުން
އެމެރިކާ އާއި އެމެރިކާ ބުނެގެން ޔޫރަޕުން ހިފެހެއްޓި އީރާނުގެ ހުރިހާ މުފަލަކާއި ފައިސާއެއް އަނބުރާ ރައްދުކުރުން،
10.ތަންފީޛް ކުރުމުގައި އދ. ބައިވެރިކުރުވުން
އެއްވެސް އެއްބަސްވުމެއް ތަންފީޒު ކުރަން ޖެހެނީ އދ. މެދުވެރިކޮށް ކަމަށް ޝަތުޠު ކުރުން މިއެވެ.
އީރާނުގެ މި ޝަރުޠު ތަކާއި އެކު، މިވަގުތަށް ހަނގުރާމަ މި ވަނީ ދެހަފްތާ އަށް ހުއްޓާލުމަށް އެއްބަސް ވެފައި ކަމަށް އެމެރިކާ އިން ވަނީ ބުނެފައެވެ.
އީރާނުން ހުށަހެޅި 10 ނުކުތާގައި ފަލަސްޠީނުގެ ވާހަކައެއް ނުހިމަނައެވެ. ސަބަބަކީ މި ހަނގުރާމަ އަކީ ފަލަސްޠީނާއި އެކު ކުރާ ހަނހުރާމަ އެއް ނޫނެވެ. ނަމަވެސް ފަލަސްޠީނަށް އެއްބާރުލުން ދެމުންދާ ލުބުނާނުގައި ތިބި މުޖާހިދުންގެ މަސްލަޙަތު މި ޝަތުޠުތަކުގެ ތެރޭގައި ވަނީ ރައްކާތެރި ކުރުމަށް ހިމަނާފައެވެ. އެއީ ލުބުނާނަށް ޙަމަލާ ނުދިނުމަށެވެ.
