މަސްވެރިންގެ ދަފްތަރުގައި ރަޖިސްޓްރީކޮށްފައިވާ މަސްވެރިންގެ ތެރެއިން 89 ފަރާތަކަށް ސަރުކާރުން ލޯނު ދޫކޮށްފިއެވެ.

ފިޝަރީޒް މިނިސްޓްރީން ހާމަކޮށްފައިވާ ގޮތުގައި، މި ލޯނުތައް މަސްވެރިންނަށް ދޫކޮށްފައިވަނީ ބޭންކް އޮފް މޯލްޑިވްސްގެ "މަސްވެރިޔާ ޕޯޓަލް" މެދުވެރިކޮށެވެ. މަސްވެރިންގެ ދަފްތަރުގައި ރަޖިސްޓްރީވެފައިވާ ފަރާތްތަކަށް ލޯނު ދޫކުރަން ފަށާފައިވަނީ މިދިޔަ އަހަރުގެ މެއި މަހުގެ ތެރޭގައެވެ.

މަސްވެރިކަމަކީ ރަސްމީ ވަޒީފާއެއްގެ ގޮތުގައި ސަރުކާރުން ކަނޑައަޅާފައިވަނީ މިދިޔަ އަހަރުގެ އޭޕްރިލް މަހުގެ 28 ވަނަ ދުވަހުއެވެ. އެ ނިންމުމާއެކު، ދަފްތަރުގައި ހިމެނޭ މަސްވެރިންނަށް އެ ފަރާތްތަކުގެ އާމްދަނީއަށް ބަލައި، ޕާސަނަލް ފައިނޭންސިނާއި ކްރެޑިޓް ކާޑުގެ އިތުރުރން ގެދޮރު އެޅުމަށް ބޭނުންވާ ލޯނު ފަދަ އެކި ކްރެޑިޓް ފެސިލިޓީތައް މަސްވެރިންނަށް އަންނަނީ ލިބެމުންނެވެ.

މިނިސްޓްރީން ބުނި ގޮތުގައި، އެއްވެސް ރަހުނަކާ 300,000 ރުފިޔާއާ ހަމައަށް ޝަރުތު ހަމަވާ މަސްވެރިންނަށް ލޯނު ދޫކުރާ ކަމަށެވެ. މިއީ މަސްވެރިންގެ މާލީ ތަނަވަސްކަން އިތުރުކުރުމަށް ސަރުކާރުން ދޭ ބޮޑު އެހީތެރިކަމެކެވެ.

ސަރުކާރުގެ އަމާޒަކީ ދައުލަތުގެ މުއައްސަސާތަކާއި ބޭންކުތަކާއި، އަދި މާލީ އިދާރާތަކުން ލިބޭ އެހީތެރިކަން ނިޒާމީ ގޮތެއްގައި މަސްވެރިންނަށް ފޯރުކޮށްދިނުމެވެ. އެގޮތުން މިދިޔަ އަހަރުގެ ފެބްރުއަރީ މަހުގެ ތެރޭގައި މަސްވެރިން ދަފްތަރުކުރުމުގެ މަސައްކަތް ފަށައި، މަސްވެރިންގެ ގައުމީ ދަފްތަރު އިފްތިތާހުކޮށްފަ އެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން އަންނަނީ މަސްވެރިންގެ ހައްގުތައް ކަށަވަރުކުރުމަށާއި، މަސްވެރިކަމުން ލިބޭ މަންފާ އިތުރުކުރުމަށް ގިނަ މަސައްކަތްތަކެއް ކުރަމުންނެވެ.