ސަރުކާރު ހިންގާ މައި ޕާޓީ، ޕީޕަލްސް ނޭޝަނަލް ކޮންގްރެސް (ޕީއެންސީ) އިން އިންތިޒާމުކޮށްގެން ބާއްވާ ވަރަށް ހާއްސަ ތަރާވީހެއް ކަމަށްވާ "ދިވެހީންގެރާއްޖެ ތަރާވީސް" މިރޭ މާލޭގައި ފަށައިފި އެވެ.

މާލޭގެ އާޓިފިޝަލް ބީޗް ސަރަހައްދުގައި ކުރިއަށްދާ މި ތަރާވީހަކީ ދިވެހިރާއްޖޭގެ ރައީސުލްޖުމްހޫރިއްޔާ އަދި ޕީއެންސީގެ ރައީސް ޑރ. މުހައްމަދު މުއިއްޒު ބައިވެރިވެވަޑައިގަންނަވާ ވަރަށް ހާއްސަ ހަރަކާތެކެވެ. ރައީސުލްޖުމްހޫރިއްޔާގެ އިތުރުން ދައުލަތުގެ އިސް ބޭފުޅުންނާއި، މަޖިލިސް މެންބަރުންނާއި، ޕާޓީގެ އާންމު މެންބަރުން މި ހަރަކާތުގައި ބައިވެރިވެވަޑައިގަންނަވައެވެ. މި ހަރަކާތުގައި ރައީސް ޑރ. މުއިއްޒު ވާހަކަފުޅުދައްކަވާނެ އެވެ.

މިރޭ އާޓިފިޝަލް ބީޗުން ފެނިގެންދަނީ ވަރަށް ފޯރިގަދަ މަންޒަރެކެވެ. ގިނަ އަދަދެއްގެ އާންމު ރައްޔިތުންނާއި ޕާޓީގެ ސަޕޯޓަރުން ވަނީ މި ތަރާވީހުގައި ބައިވެރިވުމަށް އެ ސަރަހައްދަށް ޖަމާވެފައެވެ. މިއީ ރަމަޟާން މަހުގެ ބަރަކާތާއި ގުޅިގެން، ރައްޔިތުންނާއި ގާތުން ބައްދަލުކޮށް، އެކުވެރިކަން އާލާކުރުމުގެ މަގްސަދުގައި ބާއްވާ ހަރަކާތެކެވެ.

މި ހަރަކާތަކީ ސިޔާސީ ގޮތުންނާއި އިޖުތިމާއީ ގޮތުން ޕާޓީގެ މެންބަރުންގެ މެދުގައި އޮތް ގުޅުން ބަދަހިކުރުމަށް އެޅުނު މުހިންމު ފިޔަވަޅެއްގެ ގޮތުގައި ޕީއެންސީން ސިފަކުރެ އެވެ.