ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއްކޮށްލަނީ ކަމަށް ބުނެ އިދިކޮޅު ފަރާތްތަކުން ފަތުރަމުންދަނީ ހަގީގަތާ ހިލާފު ފިތުނަވެރި ވާހަކަތަކެއް ކަމަށް ސަރުކާރަށް ތާއީދުކުރާ ފަރާތްތަކުން ބުނެފި އެވެ. އިދިކޮޅު ފަރާތްތަކުން ދަނީ ދެ އިންތިހާބު އެއްކޮށްލުމާ ދެކޮޅު ކަމަށް ބުނެ، ރައްޔިތުންގެ މެދުގައި ނުތަނަވަސްކަން އުފެއްދުމަށް މަސައްކަތް ކުރަމުންނެވެ.
ނަމަވެސް، ހަގީގަތަކީ ދެ އިންތިހާބު އެއްކޮށްލުމެއް ނޫނެވެ. ރައްޔިތުންގެ މަޖިލީހުން ފާސްކޮށްފައިވަނީ ދެ ބޮޑު އިންތިހާބު (ރިޔާސީ އިންތިހާބާއި މަޖިލީސް އިންތިހާބު) އެއް ދުވަހެއްގައި ބޭއްވުމަށެވެ. މިއީ އިދާރީ ގޮތުންނާއި މާލީ ގޮތުން ރާއްޖެއަށް އެންމެ ފައިދާހުރި ގޮތް ކަމަށް ގިނަ ބަޔަކު ގަބޫލުކުރެ އެވެ.
މިކަމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް މިހާރު ވަނީ ނިންމާފައެވެ. އެގޮތުން، އިންތިހާބުތައް އެއްދުވަހެއްގައި ބޭއްވުމަށް ރައްޔިތުން އެދޭތޯ ބެލުމަށް ނަގާ ވޯޓު އޮންނާނީ އަންނަ އޭޕްރީލް މަހުގެ 4 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބުގެ ވޯޓުލުން ކުރިއަށްދާ ދުވަހު އެވެ.
Advertisement
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެފައިވަނީ، ދެ އިންތިހާބު އެއް ދުވަހެއްގައި ބޭއްވުމުން ދައުލަތުން އިންތިހާބުތަކަށް ކުރަންޖެހޭ ހަރަދުތައް އެތައް ގުނައެއް ކުޑަވެގެންދާނެ ކަމަށެވެ. މިއީ ގައުމުގެ އިގްތިސާދީ ހާލަތަށް ބަލާއިރު ނުހަނު ބޭނުންތެރި އިސްލާހެއްގެ ގޮތުގައި ސަރުކާރުން ސިފަކުރެއެވެ.
އިދިކޮޅު ފަރާތްތަކުން މިކަމުގައި އޮޅުވާލުންތައް އުފައްދަމުންދާއިރު، ސަރުކާރުން ބުނަމުންދަނީ މިއީ ރައްޔިތުންނަށް ލުއިފަސޭހަ ކޮށްދިނުމަށާއި ދައުލަތުގެ ފައިސާ އިސްރާފުވުން ހުއްޓުވުމަށް އަޅާ ފިޔަވަޅެއް ކަމަށެވެ.
