ިސްރާއީލުގައި މަސައްކަތްކުރާ އިންޑިއާގެ ރައްޔިތުންނަށް އުނދަގޫތަކާއި ޖެއްސުންތަކާއި އަނިޔާތައް ކުރުން އިތުރުވަމުން އަންނަ ކަމަށް ރިޕޯޓްތައް ބުނަން ފަށައިފިއެވެ.
ފަހަކަށް އައިސް އިންޑިއާ އަކީ އިސްރާއީލުގެ އެންމެ މުހިއްމު އެއް ލޭބަރ ޕާޓްނަރެވެ. އެ ދެޤައުމުގެ ގުޅުން ވެސް އެހާ ރަނގަޅެވެ. އިސްރާއީލުގެ ކޮންސްޓްރަކްޝަން އިންޑަސްޓްރީ ލީޑްކުރަނީ އިންޑިއާގެ ލޭބަރުންނެވެ.
އިންޑިއާގެ ސަރުކާރުން ވަނީ އިސްރާއީލާއެކު ޑިޕްލޮމެޓިކް ގުޅުންތައް ކުރިއަށް ގެންގޮސް، ބައިނަލްއަޤްވާމީ ފޯރަމްތަކުގައި ހުޅަނގު އައްސޭރި ފުޅާކުރުމުގެ ސިޔާސަތުތައް ކުށްވެރިކުރުމުގައި ވެސް ވަރަށް ބޮޑަށް ފަހަތަށް ޖެހިފައެވެ. އަދި ޣައްޒާގައި ހިނގަމުންދާ އަނިޔާވެރިކަމާއި ދެކޮޅަށް ވެސް ބަސް ބުނުމުގައި އިންޑިއާ ދަނީ ފަހަތު ފަޔަށް ބުރަވަމުންކަން ފާހަގަ ކުރެވެއެވެ.
އިސްރާއީލުގައި އިންޑިއާގެ ގާތްގަނޑަކަށް 18،000 އާއި 20،000 އާއި ދެމެދުގެ އަދަދަކަށް މީހުން އެބަ އުޅެއެވެ. މީގެ ތެރޭގައި ގިނައީ ކޮންސްޓްރަކްޝަން މަސައްކަތްކުރާ ލޭބަރުންނާއި، ޕްރޮފެޝަނަލް އައިޓީ މީހުންނާއި، ރަނާއި ޖަވާހިރުގެ ވިޔަފާރީގައި އުޅޭ މީހުންނާއި، ޓީޗަރުންނެވެ.
މީގެ އިތުރުން އިންޑިއާގެ ސައެންޓިސްޓުންނާއި އިންޑިއާގެ ގިނަ ޢަދަދެއްގެ ކިޔަވާކުދިން ވެސް އިސްރާއީލުގައި ދިރިއުޅެއެވެ.
އިސްރާއީލުގެ ރައްޔިތުންގެ ފަރާތުން އެތަނުގައި އުޅޭ އިންޑިއާ ރައްޔިތުންނާއި މެދު ތަފާތުކުރުންތައް ގެންގުޅެ، ފުރައްސާރަކުރާ މައްސަލައިގައި އިންޑިއާގެ މީޑިއާ އިން ވަނީ އެ މައްސަލަތައް ހޫނުކޮށްފައި ކަން ފާހަގަ ކުރެވެއެވެ.
