ގެއިން ބޭރަށް ދިޔަ ފަހުން ހަބަރެއް ނުވެގެން, މީހަކު ގެއްލިގެން ހޯދާ ކަމަށް ފުލުހުން ބުނެފި އެވެ.
މާލެއިން ގެއްލިގެން ހޯދަމުން ދަނީ އިބްރާހީމް އިމްތިޔާޒް އަލީ، ފެވަރިޓްވިލާ / މާލެ (30) އެވެ. އޭނާ ގެއްލިގެން ހޯދާ ކަމަށް ފުލުހުންނަށް އާއިލާއިން ރިޕޯޓްކޮށްފައިވާ ފެބްރުއަރީ 17 ވަނަ ދުވަހުގެ ހަވީރު 17:15 އެހައިކަންހާއިރު ކަމަށް ފުލުހުން ވަނީ ބުނެފަ އެވެ.
އިއްޔެ މޯލްޑިވިސް ޕޮލިސް ސާވިސުން ނެރުން އިއުލާނުގައި، މައުލޫމާތު ދެމުން ބުނެފައި ވަނީ އިމްތިޔާޒު އެންމެ ފަހުން ފެނުނީ، އާއިލާގެ މެމްބަރުންނަށް ގޭގައި އުޅެނިކޮށް ކަމަށެވެ. އެއީ ފެބްރުއަރީ 13 ވަނަ ދުވަހު މެންދުރު 12:00 އާއި 13:00 އާ ދެމެދުގެ ވަގުތެއްގައި ކަމަށް އައިލާއިން ފުލުހުންނަށް މައުލޫމާތު ދިން ކަމަށެވެ. ނަމަވެސް އެ ދުވަހު ގެއިން ބޭރަށް ދިޔުމަށް ފަހު އިމްތިޔާޒްގެ ހަބަރެއް ނުވާ ކަމަށާއި، އޭގެ ފަހުން އޭނާ ގެއްލިގެން ހޯދާ ކަމަށް އައިލާ ބުނެފައިވާ ކަމަށް ފުލުހުން ބުންޏެވެ.
އެގޮތުން އޭނާ ހޯދުމުގެ މަސައްކަތް މިހާރު މޯލްޑިވިސް ޕޮލިސް ސާވިސުން މިހާރު ފަށާފައިވާ ކަމަށް ފުލުހުން ވަނީ ބުނެފައި އެވެ. އަދި އިމްތިޔާޒުއާ ގުޅިގެން އެއްވެސް މައުލޫމާތެއް ލިބިއްޖެ ނަމަ ލަސްނުކޮށް ހެންވޭރު ޕޮލިސް ސްޓޭޝަން ނަންބަރު 9400053 އަށް ނުވަތަ ފުލުހުންގެ ހޮޓްލައިން ނަންބަރު 3322111 އަށް ގުޅާ އެކަން ހިއްސާ ކުރުމަށް އެ އިދާރާއިން ވަނީ އެދިފަ އެވެ.
