ހަތް އޮންލައިން ޕްލެޓްފޯމަކުން މިއަހަރުގެ ފިތުރު ޒަކާތް ބަލައިގަންނާނެ ކަމަށް މޯލްޑިވްސް ޒަކާތު ިންހައުސް އިން ބުނެފިއެވެ. 

ޒަކާތު ހައުސް އިން ބުނީ އޮންލައިންކޮށް ޒަކާތް ބަލައިގަތުން ކުރިއަށްދާނީ ރަމަޟާން މަހުގެ 27ވަނަ ދުވަހުގެ ހެނދުނު 6 ޖެހުމާ ހަމައަށް ކަމަށެވެ.

އޮންލައިންކޮށް ފިތުރު ޒަކާތް ދެއްކޭނެ 7 ޕްލެޓްފޯމަކީ:

1. ދިރާގު މޯބައިލް އެޕްއާއި ދިރާގު ޕޭ އެޕް
2. އުރީދޫ، އެމް ފައިސާ މޯބައިލް އެޕް
3. މޯލްޑިވްސް އިސްލާމިކް ބޭންކުގެ މޯބައިލް އެޕް
4. ބޭންކް އޮފް މޯލްޑިވްސްގެ މޯބައިލް އެޕް
5. ފަހިޕޭ މޯބައިލް އެޕް
6. އަވަސް މޯބައިލް އެޕް
7. ބަނޑޭރި ޕޭ ވެބްސައިޓް, އެވެ.

މީގެ ތެރެއިން ބަނޑޭރިޕޭއާއި ފަހިޕޭ މެދުވެރިކޮށް ރަމަޟާންމަހުގެ އެންމެ ފަހު ދުވަހާ ހަމައަށް ވެސް ފިތުރު ޒަކާތް ދެއްކޭނެ ކަމަށް ޒަކާތު ހައުސް އިން ވަނީ ބުނެފައެވެ.

އަދި މީގެ އިތުރުން، އޮންލައިންކޮށް ޒަކާތް ދެއްކުމަށް އަހުލުވެރި ނޫން ފަރާތްތަކަށް ހާއްސަކޮށް އިސްލާމީ މަރުކަޒުގެ ޖަލްސާކުރާ މާލަމުގައި ގާއިމުކުރާ ކައުންޓަރުތަކުން ޒަކާތް ބަލައިގަތުމުގެ އިންތިޒާމު ވެސް މޯލްޑިވްސް ޒަކާތު ހައުސްއިން ވަނީ ހަމަޖައްސާފައެވެ.

މި ކައުންޓަރުތަކުން ޒަކާތް ބަލައިގަތުމަށް ހަމަޖެހިފައިވާ ވަގުތުތައް:

1. 22 ފެބުރުވަރީން 9 މާރިޗަށް: ރަސްމީ ބަންދު ނޫން ކޮންމެ ދުވަހަކު 10:00 އިން 13:00 އަށް
2. 10 މާރިޗުން 19 މާރިޗަށް: ހުކުރު ހޮނިހިރު ފިޔަވައި ކޮންމެ ދުވަހަކު 11:00 އިން 14:00 އަށް

މި ރަމަޟާން މަހު ފިތުރު ޒަކާތުގެ ގޮތުގައި ދައްކަން ޖެހޭ ފައިސާގެ އަދަދުތައް:

1. އާދައިގެ ހަނޑޫ: 12 ރުފިޔާ
2. ތައިލެންޑް ހުދު ހަނޑޫ: 53 ރުފިޔާ
3. ރަތް ހަނޑޫ: 96 ރުފިޔާ
4. ބާސްމަތީ ހަނޑޫ (އާދައިގެ): 77 ރުފިޔާ
5. ބާސްމަތީ ހަނޑޫ (މޮޅު): 109 ރުފިޔާ
6. ބާސްމަތީ ހަނޑޫ (އެންމެ މޮޅު): 136 ރުފިޔާ
7. އާދައިގެ ފުށް: 10 ރުފިޔާ
8. އާޓާ ފުށް: 75 ރުފިޔާ