ހުޅުމާލެ ދެވަނަ ފިޔަވަހީގައި ތަރައްގީކުރި ފުރަތަމަ އައުޓްޑޯ ޖިމް ހުޅުވައިފިއެވެ.
އިއްޔެ ހަވީރު ބޭއްވި ހާއްސަ ރަސްމިއްޔާތެއްގައި ޖިމް ރަސްމީކޮށް ހުޅުވައިދެއްވީ އެޗްޑީސީގެ މެނޭޖިން ޑިރެކްޓަރު އަލީ ޒުހައިރު އެވެ.
ހުޅުމާލެ ފޭސް ދޭއްގެ ފުޓްސަލް ޓާފް ދަނޑު ކައިރީގައި ތަރައްގީކުރި މި ޖިމުގައި ކަސްރަތު ކުރުމަށް ބޭނުންކުރާ 22 ބާވަތެއްގެ އައުޓްޑޯ އިކުއިޕްމަންޓް ބަހައްޓާފައިވެއެވެ.
ހައުސިން ޑިވެލޮޕްމަންޓް ކޯޕަރޭޝަނުން ވިދާޅުވީ މި ޖިމަކީ ހުޅުމާލޭގައި ދިރިއުޅޭ ރައްޔިތުންގެ ދުޅަހެޔޮކަން އިތުރުކޮށް, ދުޅަހެޔޮ މުޖްތަމައެއް ބިނާކުރުމަށް ކުރިއަށްގެންދެވުނު މުހިންމު މަސައްކަތެއްކަމަށެވެ.
"މި ތަން ވެގެންދާނީ ދެވަނަ ފިޔަވަހީގައި ދިރިއުޅޭ ރައްޔިތުންނަށް ދުޅަހެޔޮ ދިރިއުޅުމެއް ބިނާކުރުމަށް މަގުފަހިވެގެންދާނެ މާހައުލަކަށް," އެޗްޑީސީން ބުންޏެވެ.
ރާއްޖޭގެ މީހުން ދިރިއުޅޭ ހުރިހާ ރަށެއްގައި އައުޓްޑޯ ޖިމް ގާއިމްކުރުމަކީ ރައީސުލްޖުމްހޫރިއްޔާ ޑރ މުހައްމަދު މުއިއްޒުގެ ރިޔާސީ ވައުދުފުޅެކެވެ.
