ހިނގަމުން މިދާ ފެބުރުއަރީ މަހުގެ 28 ވަނަ ދުވަހު ހަވީރު އުޑުމަތިން ހަ ޕްލެނެޓް އެއްލައިނެއްގައި ސާފުކޮށް ފެންނާން ހުންނާނެ ކަމަށް ފަލަކީ މަސްދަރުތަކުން ބުނެއެވެ.
ހަގީގަތަކީ ކޮބައިތޯ
ފެބްރުއަރީ 28 ވަނަ ދުވަހު ހިނގާ މި އާދަޔާޚިލާފު މަންޒަރަށް ދީފައިވާ ނަމަކީ “ޕްލެނެޓަރީ ޕެރޭޑް” އެވެ. އެއްފަހަރާ ހަ ޕްލެނެޓް އުޑުމަތީގައި ހުންނާނެއެވެ.
މި ހަ ޕްލެނެޓަކީ މާކިއުރީ، ވީނަސް، ޖުޕިޓަރ، ސެޓަރން، ޔޫރޭނަސް، އަދި ނެޕްޓިއުންއެވެ.
ހަމަލޮލަށް ފެންނާނީ ކޮން ޕްލެނެޓް ތަކެއް؟
މި ދެންނެވި ހަ ޕްލެނެޓްގެ ތެރެއިން ލޮލަށް ފެންނާނެ ޕްލެނެޓްގެ ޢަދަދަކީ ހަތަރެއް (4) އެވެ. އެއީ މާކިއުރީ އާއި ވީނަސް އަދި ޖުޕިޓަ އާއި ސެޓަރން އެވެ. މީގެތެރެއިން ވީނަސް ތަރި ނުވަތަ ވީނަސް ޕްލެނެޓް އާދަޔާއި ޚިލާފަށް އަލި ގަދަވާނެއެވެ.
ހަމަލޮލަށް ފެންނާނީ ކޮން ޕްލެނެޓް ތަކެއް؟
ދެޕުލެނެޓެއް ލޮލަކަށް ނުފެންނާނެއެވެ. އެއީ،
ޔޫރޭނަސް: މި ޕްލެނެޓް ބެލުމަށް ދުރުމީއެއް ނުވަތަ ބައިނޮކިއުލާސް ބޭނުންވާނެ.
ނެޕްޓިއުން: މި ޕްލެނެޓް ބެލުމަށް ޓެލެސްކޯޕެއް ބޭނުންވާނެ.
އެހެންކަމުން އުޑުމަތީގައި ހަ ޕްލެނެޓް ހުރިއިރު، އިތުރު އެއްޗެއްގެ އެހީއަކާއި ނުލައި ނުވަތަ “އޮޕްޓިކަލް އެއިޑް” އެއް ނެތި ފެންނާނީ އެންމެ ހަތަރު ޕްލެނެޓެވެ.
ފަލަކީ ވާހަކަތަކާއި ބޭރުގެ ހަބަރުތައް ގެނެސްދޭ އިންސްޓަގްރާމާއި އެކްސް އަދި ފޭސްބުކް ބައެއް ޕޭޖުތަކުގައިވާ ޕޯސްޓުތަކުގައި ވަނީ މާސް ވެސް ފެންނާނެ ކަމަށެވެ. ނަމަވެސް މި މަހުގެ 28 ގައި އެ ބުނާ ގޮތަކަށް މާސް އެއް ނުފެންނާނެއެވެ. އެއީ ކަނޑައެޅިގެން ދޮގެކެވެ. ހަމަ އެހެންމެ ޕްލެނެޓްތައް ސާފު ސީދާ ރޮނގެއްގައި ވެސް ނުފެންނާނެއެވެ. ބައެއް ޕްލެނެޓްތައް ފެންނާނީ 15 މިނެޓަށެވެ. އަނެއްބައި ޕްލެނެޓުތައް 3 ގަޑިއިރާއި ހަމަޔަށް ފެންނާން ހުންނާނެއެވެ. ނަމަވެސް ވައިރަލް ވަމުންދާ ސާމްޕަލް ވީޑިއޯ އާއި ފޮޓޯތަކުގައި ދައްކާ ތަރުތީބުން މި ޕްކެނެޓުތައް ނުފެންނާނެއެވެ.
މި ހަ ޕްލެނެޓް ވެސް އެންމެންނަށް “ސާފުކޮށް ފެންނާނެ” ކަމަށް ބުނާ ވާހަކަތަކަކީ ގޯހެވެ.
