ހައްދުފަހަނަ އެޅި ޒައެނިސްޓުން މީގެ އެތައް އަހަރެއް ކުރިން ފެށިގެން ފަލަސްތީނުގެ ރައްޔިތުންގެ ގުނަވަންތައް ވަގަށް ނަގަން ފަށާފައިވާ ކަމަށް ރިޕޯޓުތައް ބުނެފިއެވެ.

އިސްރާއީލުގެ ބެލުމުގެ ދަށަށް ގެންދާ ފަލަސްތީނު މީހުންނަށް އަނިޔާކޮށް، ހޭނެއްތުމަށްފަހު، އިސްރާއީލުގެ ހާއްސަ ލެބޯޓަރީއަކަށް ގެންދާ ކަމަށާއި އަދި އެތަނުގައި އެމީހުންގެ ގުނަވަންތައް ވަގަށް ނެގުމަށްފަހު ބައެއް މީހުން މަރާލައި ނުވަތަ އަނެއް ބަޔަކު (ގުނަވަން ނެގުމަށްފަހު ފަހާފައި) ދޫކޮށްލަނީ ކަމަށް ރިޕޯޓުތަކުގައި ވެއެވެ.

ޣައްޒާގެ ކަމާބެހޭ ފަރާތްތަކުން ބުނީ މިހާރު ހިނގަމުންދާ ހަނގުރާމައިގެ ތެރޭގައި ވެސް އިސްރާއީލުގެ ސިފައިން މިފަދަ ޢަމަލުތައް ހިންގަމުން ގެންދާ ކަމަށެވެ.

ޣައްޒާގެ ސަރުކާރުގެ މީޑިއާ އޮފީހުން ބުނާ ގޮތުގައި ދާދި ފަހުން ހަނގުރާމަ ހުއްޓާލުމުގެ ދަށުން އިސްރާއީލުން ހަވާލުކުރި ފަލަސްތީނުގެ 120 ހަށިގަނޑަކުން މިފަދަ ކަންތައްތައް ފެނިފައި ވެއެވެ. އެއްބައި މީހުންގެ ހިތާއި، ކިޑްނީ އާއި ލޮލުގެ ކޯނިއާ ވަނީ ނަގާފައެވެ. އަދި ފުރަމޭ ފަދަ ގުނަވަންތައް ވެސް ވަނީ ވަގަށް ނަގާފައި ކަމަށް އޮފިޝަލުން ބުނެއެވެ.

އިސްރާއީލުގެ އަސްކަރިއްޔާއިން ވަނީ މި ވަކި ތުހުމަތުތައް ދޮގުކޮށްފައެވެ.