ސިވިލް ސާވިސް ކޮމިޝަނުން ލޯކަލް ކައުންސިލްތަކުގެ ސެކްރެޓަރީ ޖެނަރަލުން (އެސްޖީން)ގެ މަސައްކަތުގެ ފެންވަރު ބެލުމުގެ އުސޫލު އާއްމުކޮށްފި އެވެ.
ސިވިލް ސާވިސް ކޮމިޝަނުން ބުނީ 2025 ވަނަ އަހަރު އެސްޖީންގެ މަސައްކަތުގެ ފެންވަރު ބެލުމަށް ހޯދާ މައުލޫމާތު ހޯދުމުގެ ގޮތުން އުސޫލުގައި ކަނޑައަޅާފައިވާ މުއްދަތުގެ ތެރޭގައި، އިދާރާތަކުން ކަނޑައަޅާފައިވާ ޕީއޭ ފޯކަލް ޕޮއިންޓުންނާއި މުއާމަލާތު ކުރެވޭނެ ކަމަށެވެ.
"ލޯކަލް ކައުންސިލްގެ ސެކްރެޓަރީ ޖެނެރަލްގެ މަސައްކަތު ފެންވަރުބެލުމުގެ އުސޫލު 2026" އަކީ ލޯކަލް ކައުންސިލް އިދާރާތަކުގައި މަސައްކަތްކުރާ ސެކްރެޓަރީ ޖެނެރަލުންގެ މަސައްކަތުގެ ފެންވަރުބެލުމުގައި ބައިވެރިވާނެ ފަރާތްތަކާއ،ި މަސައްކަތުގެ ފެންވަރުބެލުމުގެ މަސައްކަތްތައް ކުރިޔަށް ގެންދާނެ މިންގަނޑުތަކުގެ އިތުރުން އެއުސޫލުތަކާ އެއްގޮތްވާ ގޮތުގެ މަތިން އަޅަންޖެހޭ ފިޔަވަޅުތައް ބަޔާންކުރާ އުސޫލެވެ.
Advertisement
ސެކްރެޓަރީ ޖެނެރަލަކީ ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ ދަށުން އެކުލަވާލެވިފައިވާ ލޯކަލް ކައުންސިލްތަކުގެ އިދާރީ އެންމެ އިސް މުވައްޒަފެވެ. އަދި ސަރުކާރުގެ ސިޔާސަތުތައް ކައުންސިލް އިދާރާތަކުގައި ތަންފީޒުކުރުމާއ،ި ކައުންސިލްގެ ނިންމުންތައް ތަންފީޒުކުރުމާއ،ި ކައުންސިލްތަކުގެ ސިވިލް ސާވިސް މުވައްޒަފުންގެ އެންމެހައި ކަންތައްތައް ބެލެހެއްޓުމުގައި އެންމެ އިސް ދައުރެއް އަދާކުރާ ފަރާތެވެ.
