ކާބޯތަކެތީގެ ހިދުމަތްދޭ ތަންތަނުން ނަގާ ފީ 50 ޕަސެންޓަށް ކުޑަކޮށްފި އެވެ.
މޯލްޑިވްސް ފުޑް އެންޑް ޑްރަގު އޮތޯރިޓީން މިއަދު ނެރުނު ބަޔާނެއްގައި ބުނީ ކާބޯތަކެތީގެ ހިދުމަތްދޭ ތަންތަނުން ނަގަމުން އަންނަ ފީ އާއި ކެޓަގަރީ ފީ މޯލްޑިވްސް ފުޑް އެންޑް އިން 50 ޕަސެންޓަށް މިއަދުން ފެށިގެން ކުޑަކޮށްފައިވާ ކަމަށެވެ.
އަދި މިހާރު ކަނޑައެޅިފައިވާ އަގަށް ބަދަލު ގެނައީ މިއަދުން ފެށިގެން ދެ އަހަރު ދުވަހުގެ މުއްދަތަކަށް ކަމަށް އެ އޮތޯރިޓީން ބުންޏެެވެ.
ފުޑް އެންޑް ޑްރަގު އޮތޯރިޓީން އަންނަނީ ކާބޯތަކެތީގެ ރައްކާތެރިކަން ކަށަވަރުކުރުމަށް އުސޫލަތަކަށް އެކި ބަދަލު ގެންނަމުންނެވެ. އެގޮތުން އެއޮތޯރިޓީން ވަނީ ވޭތުވެ ދިޔަ ދުވަސްތަގުގެ ތެރޭގައި ކާބޯތަކެތީގެ އިސްތިހާރު ކުރުމާއި ބެހޭ އުސޫލުތަކުގެ އިތުރުން ކާބޯތަކެތި ވިއްކާ ތަންތަން ބަލާ ފާސްކުރުމާ ބެހޭ އުސޫލުތަކެއް ވެސް ވަނީ އާއްމު ކޮށްފަ އެވެ. އަދި ކާބޯތަކެތީގެ ރައްކާތެރިކަން ކަށަވަރު ކުރުމަށް ޓަކައި މޯލްޑިވްސް އެގޮތުން 2024 ވަނަ އަހަރު ވަނީ ރަޖިސްޓްރީ ނުކޮށް ވިއްކާ ކާބޯތަކެތީގެ ޖޫރިމަނާ ދިހަ ހާހާއި ފަސް ލައްކަ ރުފިޔާއަށްވެސް ވަނީ ކަނޑައަޅާފަ އެވެ.
