މިދިޔަ އަހަރު ވެލާނާ އިންޓަނޭޝަލް އެއާޕޯޓުން 89،163 ޓަނުގެ ކާގޯ އުފުލާފައިވާ ކަމަށް އެމްއޭސީއެލް އިން ބުނެފި އެވެ.
އެމްއޭސީއެލް އިން މިއަދު އެކްސްގައި އާންމުކުރި ތަފާސްހިސާބުތަކުގައި ވާގޮތުން އެ އެއާޕޯޓުން މިދިޔަ އަހަރު ޖުމްލަ 89،163 ޓަނުގެ ކާގޯ ވަނީ އުފުލާފަ އެވެ. އެއީ، 2024 ވަނަ އަހަރާއި އަޅައި ބަލާއިރު 10 އިންސައްތައިގެ އިތުރުވުމެކެވެ.
ތަފާސްހިސާބުތައް ދައްކާގޮތުން މިދިޔަ އަހަރު ވެލާނާ އެއާޕޯޓުން ރާއްޖެއަށް 66،840 ޓަނުގެ ކާގޯ އެތެރެކުރި އެވެ. އަދި 22،323 ޓަނުގެ ކާގޯ ރާއްޖޭން ބޭރަށް ފޮނުވި އެވެ.
އެ ގޮތުން، ޓްރާންސްޝިޕްމަންޓްގެ ގޮތުގައި ވެލާނާ އެއާޕޯޓުން 16،372 ޓަނުގެ ކާގޯ ގެނަ އެވެ. އެއީ، 2024 ވަނަ އަހަރާއި އަޅައި ބަލާއިރު 22 އިންސައްތައިގެ އިތުރުވުމެކެވެ. ޓްރާންސްޝިޕްމަންޓް ކުރުމަކީ މުދާ އެންމެ ފަހު މަންޒިލަށް ދާ މަގުމަތީގައި އެއް ބޯޓުން އަނެއް ބޯޓަށް މުދާ ގެންދިއުމެވެ. އޭގެ ތެރޭގައި ހިމެނެނީ ސީ-ޓު-އެއާ މެދުވެރިކޮށް ހޭންޑަލްކުރި 3،192 ޓަނުގެ ކާގޯ އާއި އެއާ-ޓު-އެއާ ހޭންޑަލްކުރި 13،180 ޓަނުގެ ކާގޯ އެވެ.
އަދި މިދިޔަ އަހަރު ވެލާނާ އިންޓަނޭޝަނަލް އެއާޕޯޓަށް ކާގޯ އުފުލާ ބޯޓުތަކުން 524 ދަތުރުކުރި ކަމަށް ތަފާސްހިސާބުތަކުގައިވެ އެވެ. ވެލާނާ އިންޓަނޭޝަނަލް އެއާޕޯޓްއިން ދަތުރުކުރާ ކާގޯ އެއާލައިންތަކުގެ ތެރޭގައި:
- އެފްކޮމް
- ފްލައިވާޔު
- އެމްޖެޓްސް، ގަތަރު ކާގޯ
- ނެޝަނަލް އެއާލައިންސް
- އެއާ މާސްޓާ
- އެމްއެންޖީ އެއާލައިންސް
