ދާދި ފަހުން ތެހެރާނުގައި ހަމާސްގެ ލީޑަރު އިސްމާއިލް ހަނިއްޔާ އާއި ބެއިރޫތުގައި ހިޒްބުاللهގެ އަސްކަރީ ލީޑަރު ފުއާދު ޝުކުރު އަވަހާރަކޮށްލުމާ ގުޅިގެން އީރާނާއި ހިޒްބުالله އިން ބަދަލު ހިފުމުގެ ފުރުސަތު އޮތް ކަމަށް އިސްރާއީލުން އޮތީ ހައި އެލާޓްގަ އެވެ. ސަރުކާރުގެ ބައްދަލުވުމެއްގައި އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވަނީ ދިފާއީ ގޮތުން ވިޔަސް ނުވަތަ ހަމަލާދިނުމުގައި ވިޔަސް ކޮންމެ އިންޒާރަކަށް ރައްދު ދިނުމަށް އޭނާގެ އަސްކަރިއްޔާ ތައްޔާރަށް އޮތް ކަމަށް ވިދާޅުވެފަ އެވެ. 

މިކަންކަން ދިމާވެފައިވަނީ އިސްރާއީލުން ޣައްޒާގައި އަސްކަރީ ކޭމްޕުގެ ނަމުގައި ހިންގަމުންދާ ގަތުލުޢާންމު ވަރުގަދަކޮށް، ރަހީނުކޮށްފައިވާ މީހުން ދޫކޮށްލުމަށް ގޮންޖެހުންތަކެއް ހުރި މަޝްވަރާތަކެއް ކުރަމުންދާ ދަނޑިވަޅެއްގައެވެ. 

މިހާރު ހިނގަމުންދާ ހަމަނުޖެހުންތަކުގައި އިސްރާއީލުން އެތައް ބަޔަކާއި ބައްދަލުކޮށް ހަމަލާތަކުން އެގައުމު ދިފާޢު ކުރުމަށް މަޝްވަރާ ކުރަމުންދާއިރު، އީރާނާއި ހިޒްބުاللهގެ ނުރައްކާ މިހާރުވެސް އެގައުމަށް އެބައޮތެވެ.

އިސްރާއީލް ހަނިއްޔާ ޝަހީދުކޮށްްލީ އީރާނުގަައި ކަމަށްވެފައި އީރާނުން ހަމަލާއެއް ދީފާނެ ކަމުގެ ބިރަށް އެވަގުތުކޮޅު އިސްރާއީލަށް ވަރަށް ބޮޑަށް އޮތެވެ. އެހެންކަމުން އިސްރާއީލުން ވަނީ އެމެރިކާއަށް ޕްރެޝަރުކޮށް ވަގުތުން މަޝްވަރާގެ ބައްދަލުވުންތައް ބާއްވައި ސަލާމަތްކަން ހޯދާފައެވެ. ނަތީޖާއަކީ އީރާނުން ހުސްވި ހަފްތާގައި ވަނީ ހަމަލާއެއް ނުދޭނެކަމަށް ބުނެފައެވެ. 

ނަމަވެސް އެއީ ވަގުތީ ކަމަކަށް ވާތީވެ، މިހާރު ޔަހޫދީން ވަނީ އެދަނޑިވަޅުގައި ވަރަށް ރަނގަޅަށް ތައްޔާރުވެފައެވެ.