މާލޭގަައި ބިދޭސީންތަކެއްގެ މެދުގައި ރޭ ހިންގި މާރާމާރީއަކާ ގުޅިގެން ދެ މީހަކު ހައްްޔަރުކޮށްފި އެވެ.
ރޭ ދަންވަރު ހިނގި އެ މާރާމާރީގެ ވީޑިއޯ ސޯޝަލް މީޑިއާގައި ދައުރުވާއިރު އެ ތަނުގައި 10 ވަރަކަށް ބިދޭސީން އުޅޭ ތަން ފެނެ އެވެ. ވީޑިއޯއިން ފެންނަގޮތުގައި އެ މާރާމާރީ ހިންގާފައި ވަނީ ޖެލީގައި މަސައްކަތްކުރާ ބިދޭސީންތަކެއްގެ މެދުގަ އެވެ.
ފުލުހުން ބުނީ އެ މާރާމާރީގެ މައްސަލަ ރިޕޯޓުކުރީ ރޭ 11:30 ހާއިރު ކަމަށެވެ. އަދި އެ މައްސަލާގައި ދެ ބިދޭސީން ހައްޔަރު ކޮށްފައިވާ ކަމަށާއި މައްސަލަ ތަހުގީގުކުރަމުންދާ ކަމަށް ބުންޏެވެ.
Advertisement
ނަމަވެސް އެ މާރާމާރީ ހިނގަން މެދުވެރި ސަބަބެެއް ފުލުހުން އަދި ނުބުނެ އެވެ.
ރާއްޖޭގައި ހާއްސަކޮށް ވެރިރަށް މާލޭގައި ބިދޭސީން މެދުގައި ދޭތެރެއިން މާރާމާރީ ހިންގަ އެވެ. އަދި އެފަދަ ބައެއް މައްސަލަތައް ބަލައި ރާއްޖެ ނާދެވޭ ގޮތަށް ބައެއް މީހުން ވަނީ މީގެ ކުރިން ޑީޕޯޓުކޮށްފަ އެވެ.
