މިއަދުގެ ހެނދުނުގެ ވަގުތެއްގައި ރަޝިއާގެ ވެރިރަށް މޮސްކޯގައި ކާރު ބޮމެއް ގޮއްވާލައި އެ ޤައުމުގެ ޖެނެރަލް ސްޓާފްގެ އޮޕަރޭޝަނަލް ޓްރޭނިން ޑިރެކްޓަރޭޓްގެ ވެރިޔާ ލެފްޓިނެންޓް ޖެނެރަލް ފަނިލް ސަރްވާރޯވް މަރާލައިފިއެވެ.
ރަޝިޔާގެ ޚަބަރުތައް ބުނާ ގޮތުގައި މި ޙަމަލާގެ ފަހަތުގައި އޮތީ ޔޫކްރޭންގެ ޖާސޫސީ އިދާރާ ކަމަށް ބެލެވެއެވެ.
2022 ވަނަ އަހަރު ރަޝިޔާ-ޔޫކްރޭން ހަނގުރާމަ ފެށުނު ފަހުން ހުޅަނގާއި ގުޅިގެން ޔުކްރޭނުގެ ޖާސޫސުން ދަނީ ރަޝިޔާ އަސްކަރިއްޔާގެ އިސް ފަރާތްތަކަށް އަމާޒުކޮށްގެން ސިއްރު ޙަމަލާތައް ދެމުން ކަމަށް ރަޝިޔާއިން ބުނެއެވެ. އެގޮތުން ދިން ޙަމަލާ ތަކުގައި ޖެނެރަލް ޔަރޮސްލާވް މޮސްކަލިކް އާއި ލެފްޓިނެންޓް ޑރ. ޖެނެރަލް އިގޯރ ކިރިލޯވް ވެސް ވަނީ މަރާލާފައެވެ.
ނަމަވެސް ޒެލެންސްކީގެ ސަރުކާރުން ވަނީ މި ޙަމަލާތަކުގެ ޒިންމާ ނެގުމަށް ދެކޮޅުހަދާފައެވެ.
