2023 ވަނަ އަހަރުން ފެށިގެން 14 އަހަރުގެ ޖަލު ޙުކުމެއް ތަންފީޛު ކުރަމުންދާ މިހާރު އުމުރުން 73 އަހަރުގެ ޕާކިސްތާނުގެ ކުރީގެ ބޮޑުވަޒީރު ޢިމްރާން ޚާނަށް 17 އަހަރުގެ ޖަލު ޙުކުމެއް އިއްވައި ތަންފީޛުކުރަން ޖެހޭ ޖަލު ޙުކުމްގެ ޢަދަދު ދޭކަށް އަރައިފިއެވެ. މިއާއި އެކު އޭނާގެ އުމުރުން 101 އަހަރާއި ޖެހެންދެން އޮންނަން ޖެހޭނީ ޖަލުގައެވެ. ޕާކިސްތާނުގެ ކޯޓުން ބުނީ މިއަދު ކުރި 20 އަހަރުގެ ޖަލު ޙުކުމް ތަންފީޛުކުރަން ފަށާނީ ކުރީގެ ޙުކުމް ތަންފީޛުކޮށް ނިމުމުންނެވެ.

ޢިމްރާނަށް ކޮށްފައިވާ ދެޙުކުމަކީ ވެސް ކޮރަޕްޝަނުގެ މައްސަލައިގައި ކޮށްފައިވާ ޙުކުމްތަކެވެ. މިއީ ސިޔާސީ ދަޢުވާތަކެއް ކަމަށް އޭނާގެ ވަކީލުން ބުނާއިރު، ޖަލުން މިނިވަން ވުމުގެ ހަމައެކަނި ފުރުޞަތެއް އޮތީ އިސްތިއުނާފުގެ މަރުޙަލާއިން ނުވަތަ، މަޢާފެއް ނުވަތަ ސިޔާސީ ތަދައްޚުލުވުމުގެ ތެރެއިން ލުޔެއް ލިބިއްޖެ ނަމައެވެ. މިހާރުގެ ވެރިކަމުން ބޭނުންވަނީ ޢިމްރާނު ޖަލުގައި ބާއްވާށެވެ.

ޕާކިސްތާނުގެ އެންމެ މަޤްބޫލު ލީޑަރު ޖަލަށްލިއިރު އޭނާގެ އަނބިކަނބަލުން ބުޝްރާ ބީބީ އަށް ވެސް ވަނީ މި ޙުކުމް އިއްވާފައެވެ. އަދި ޢިމްރާނަށް ފުރަތަމަ ކުރި 14 އަހަރުގެ ޖަލުޙުކުމާއި އެކުވެސް ބުޝްރާ ބީބީ އަށް ޙުކުމެއް ކުރިއެވެ. އެއީ ހަތްއަހަރަށް ޖަލަށް ލުމަށެވެ. ނަމަވެސް، ފަހުން އެ ޙުކުމް ވަނީ ސަސްޕެންޑް ކޮށްފައިކަން ފާހަގަ ކުރެއެވެ.

އިމްރާން ޚާން އާއި ދެކޮޅަށް 186 ދަޢުވާ އެއް ވަނީ އުފުލާފައެވެ.