ވެލާނާ އިންޓަނޭޝަނަލް ފަސިންޖަރުންގެ އާ ޓާމިނަލުން ޖަރުމަނުގެ ލެއިޝާ އެއާލައިން، ޑިކްކަާ އެއާލައިންސް އަށް ހިދުމަތްދޭން ފަށައިފި އެވެ.

ޑިސްކަވާ އެއާލައިންސް އަށް ހިދުމަތް ދޭން ފެށުން ފާހަގަކުރުމަށްޓަކައި ވެލާނާ ޓާމިނަލްގައި އެކަމަށްޓަކައި ހާއްސަ ރަސްމިއްޔާތެއް މިއަދު ބާއްވާފައިވާއިރު އެ ރަސްމިއްޔާތު ޝަރަފްކޮށްދެއްވާފައިވަނީ އާރުޑީސީގެ މެނޭޖިން ޑިރެކްޓަރު އިބްރާހިމް ނަޒީމް އެވެ. މި ރަސްމިއްޔާތުގައި އެ އެއާލައިންގެ ސްޓޭޝަން މެނޭޖަރު ރޮބާޓް ހާވީ އާއި އެމްއޭސީއެލްގެ އިސްވެރިންނާއި އޮފިޝަލުން ބައިވެރިވެފައިވެ އެވެ.

ޓާމިނަލް 1 އިން ޑިސްކަވާ އެއާލައިނަށް ހިދުމަތްދޭން ފެށުމަށްޓަކައި އެ އެއާލައިންގެ ޗެކިން ކައުންޓަރުތައް ރަސްމީކޮށް ހުޅުވައި އެ އެއާލައިން އިން ފުރި 114 ފަސިންޖަރުންނަށް އެމްއޭސީއެލްގެ ފަރާތުން ވަނީ ހަދިޔާ ދީފަ އެވެ. ޓާމިނަލް 1 އަށް ކައިރިކުރި އެ އެއާލައިންގެ ފުރަތަމަ ފުލައިޓް 4Y154 އިން ރާއްޖެ އައި 301 ފަސިންޖަރުންނަށް ވަނީ ސަގާފީ ހަރަކާތްތަކާއެކު ހޫނު މަރުހަބާއެއް ކިޔައިފަ އެވެ.

_{ޑިސްކަވާ އެއާލައިނުން ރާއްޖެ އައި ފަތުރުވެރިއަކަށް އެމްއޭސީލުން މަރުހަބާ ކިޔަނީ---ފޮޓޯ: އެމްއޭސީއެލް}

ޖަރުމަނުގެ ލީޑިން އެއާލައިނެއް ކަމަށްވާ ލުފްތަންސާ ގްރޫޕުގެ ޑިސްކަވާ އެއާލައިންގެ ހިދުމަތް ރާއްޖެއަށް ފަށާފައިވަނީ 2022 ވަނަ އަހަރު އޭޕްރީލް 24 ގަ އެވެ. މިއީ އާ ޓާމިނަލުން ހިދުމަތްދޭން ފެށި ޖަރުމަނުގެ ދެވަނަ އެއާލައިނެވެ.

މި އެއާލައިނަށް ހިދުމަތްދޭން ފެށުމާއެކު އާ ޓާމިނަލުން ހިދުމަތްދޭން ފެށި އެއާލައިންތަކުގެ އަދަދު މިވަނީ 31 އަށް އަރާފަ އެވެ. އެމްއޭސީއެލްގެ އަމާޒަކީ ރާއްޖެއަށް ދަތުރުކުރާ އެއާލައިންތަކާއި ފަސިންޖަރުންނަށް އެންމެ ފުރިހަމަ އަދި އެންމެ މަތީ ފަންތީގެ ހިދުމަތް ފޯރުކޮށްދިނުމެވެ.