އެމެރިކާގެ ރައީސް ޑޮންލަޑް ޖޭ ޓްރަމްޕުގެ ފޮޓޯ އެއް ޑޮލަރުގައި ޖަހަން އުޅޭ މައްސަލަ ވަރަށް ބޮޑަށް ހޫނު ވެއްޖެއެވެ. އެމެރިކާގެ ކޮއިން ގައި ޓްރަމްޕުގެ ފޮޓޯ ޖަހަން އުޅޭތީވެ ސެނެޓުގައި ހިމެނޭ އިދިކޮޅު ފަރާތްތަކުން މިހާރު މަސައްކަތް ކުރަނީ އެ ޤައުމުގެ ފައިސާގައި އެ ޤައުމެއްގެ ރައީސަކު ދުނިޔޭގައި ހުންނަވަނިކޮށް އެ ބޭފުޅެއްގެ ފޮޓޯ ނުޖެހޭ ގޮތަށް ‘ޗޭންޖް ކޮރަޕްޝަން އެކްޓް”ގެ ނަމުގައި ޤާނޫނަށް ވެސް ބަދަލު ގެންނާށެވެ.
ފާހަގަ ކޮށްލަން ޖެހޭ ކަމަކީ ޔޫ.އެސް. ޓްރެޜަރީ ޑިޕާޓްމަންޓާއި ޔޫ.އެސް. “ލިބަޓީ” މި ލަފުޒާއެކު ޓްރަމްޕްގެ ފޮޓޮ ޖަހާފައިވާ ކޮއިނެއް/ ފައިސާ ފޮއްޗެއް ދައްކުވައިދޭ ޑްރާފްޓް ޑިޒައިންއެއް މިހާރު ދަނީ ދައުރުވަމުންނެވެ.
އެމެރިކާގެ ޘަޤާފަތުގައި ވެސް ޢަމަލު ކުރަމުންދާ އިޞޫލަކީ ވެސް ފައިސާގައި ރައީސެއްގެ ފޮޓޯ ޖަހާނީ އެ ރައީސަކު އަވަހާރަވެފައިވާ ނަމައެވެ.
