ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް)ގެ މެމްބަރުކަމުގެ މަގާމަށް ކުރީގެ މިނިސްޓަރު ޑރ. އާއިޝަތު ރަމީލާ އައްޔަންކުރައްވައިފި އެވެ.
އެގޮތުން މިއަދު، ރައީސް އޮފީހުގައި ބޭއްވި ރަސްމިއްޔާތެއްގައި ޑރ. އާއިޝަތު ރަމީލާ ވަނީ ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް)ގެ މެމްބަރުކަމުގެ ހުވާ ކުރައްވައި، ހުވާގެ އިގްރާރުގައި ސޮއިކުރައްވައިފަ އެވެ.
މި ރަސްމިއްޔާތުގައި ޑރ. އާއިޝަތު ރަމީލާއަށް ހުވާ ލައިދެއްވީ ދިވެހިރާއްޖޭގެ ސުޕްރީމް ކޯޓުގެ ފަނޑިޔާރު ޑރ. މުހައްމަދު އިބްރާހީމް އެވެ.
Advertisement
ފާހަގަކޮށްލަންޖެހޭ ގޮތުގައި، ޑރ. އާއިޝަތު ރަމީލާ އަކީ މި ސަރުކާރުގެ އެގްރިކަލްޗާ އެންޑް އެނިމަލް ވެލްފެއާ މިނިސްޓަރު ކަމަށް އެންމެ ފުރަތަމަ އައްޔަން ކުރެއްވި މިނިސްޓަރެވެ. އެހެން ނަމަވެސް ސިއްހީ ހާލުކޮޅު ގޯސްވުމުގެ ސަބަބުން މިދިޔަ އަހަރުގެ ތެރޭގައި ޑރ. ރަމީލާ ވަނީ އެ މަގާމުން އިސްތިއުފާ ދެއްވައިފަ އެވެ.
